محمد عبدالله وMaha Amwag Tartous
قصيدة ( البحر)
كتبتها في طرطوس وقدمتها على أثير محطة أمواج أول يوم في عيد الأضحى المبارك مع الإعلامية الراقية والمتميزة مها اليوسف وكل الشكر لها ولمحطة أمواج في اللاذقية وطرطوس..
شعر محكي
*********
ايه يابحر …
قديش مرَقْ عَ دفْترَكْ عْناوين…
وقديش عَ صخركْ تعانقوا محبينْ…
كتبوا عَ الرمل قصَصْ عن بُكرا ..
حَفْروا عَ الصََخرْ حروف للذكرى …
وماكان يعرفوا يابحر …
انو الزمن غدََار…
والجار مو للجار..
وتْفَرََقوا الأحباب ..
وباعدُنْ الغياب…
وقَتْلْتْهُمْ العَبْرَة ..
************
النوارس كانت تحكيلهم حكاياتْ …
وتروي مواجك رْواياتْ …
شو صار فيكي يا دني ..
ضاعتْ ليالي الوَلْدَني …
ورجْعتْ حروب العرب من جديدْ …
ورجْعِتْ ألُنْ داحس وغَبْرَة…
***********
صرْنا نحنا وانْت يابحر أغرابْ …
وعَشْعَشْ ببيوتنا وقلوبنا الغرابْ..
ايه يابحر …
معقول نرجع عَ حضن الغَفَا …
ونغسل برد قلوبنا وتعطينا دَفَا…
وننسى اللي مضى وكان…
كأنو حلمْ أو كابوس ..أو طَفْرَة ..
**************
محمد عبدالله
