عم حلفك يا حمص بالأشعارْ – قمر صبري الجاسم- اللوحة للفنان أحمد كليج..
نادي حمص الثقافي الاجتماعي
عم حلفك يا حمص بالأشعارْ
بالورد يلي منزرعو قِدام باب الدارْ..
ردِّي لروحي الروحْ ياروحي
مجروحْ حالي وميتة جروحي..
متل الي طَفُّو عن حياتو النارْ
وما ضَلْ مِنُّو غير غبرة من الرمادْ مسورة بزنارْ..
بس القلبْ عم يِحترقْ لسه
ومَلَّا المسافة من البكي شحوارْ..
/قمر صبري الجاسم- شاعرة وإعلامية سورية من مدينة حمص/
ــــــــــــــــــــــــــــــــــــــــــــــــــ ــــــــــــــــ
(اللوحة للفنان السوري وابن مدينة حمص المبدع أحمد كليج)
تفاصيل اللوحة:
acrylic om canvas 120×110 cm/2013