لو كنت تحكي يا بحر مع حسن ابراهيم الناصر
١٤ فبراير ٢٠١٤ م ·
…..
لمّا الفجر يغسل جفون الصبح بالنور
والليل يركع للسنا ويروح
ويصير ضو الدني ميكنّس النجمات
بيصحى حبيب الأرض بو موسى
يصلّي صلاة الصبح ويزور
حوش الحبق يحمل معو عطر الندى
ويرافق النسمات عند الصبح بسرور
فلّاح عاشق تراب الوطن
واهب حياتو .. وللأرض مندور
يزرع ويسقي الشجر.. ويحنّ حتى عالحجر
وبالعرق يجّبُل تراب الأرض
والأرض من بسمتو
تعطي رزق موفور
تمانين عام ومضت من عمر بو موسى
عامل من تراب الأرض بخور
صرت المتّهم ياشيخنا ومجروم
أن الأرض عندك قبس من نور
يابراهيم الناصر ويابسمة وفى في طلّتك
ياطيّب ومن تربة تراب الارض في طيبتك
هجمت وحوش الدني حتى تنزعك
من أرضك وبيتك ماقدرت نزّعتك
سلّمت روحك للقدير المقتدر
وجبَلتْ من دمّك الغالي تربتك
مع أهلَكْ وضيعتك ب معان
بكيَت عليكو الحجر والشجر والحبق والبستان
وكل شي أصيل بهالدني إنسان
يامعان ياجرح مسطور بجراح الوطن
إنت وقرانا أضحية في فورة الشيطان
جيش الوطن أقسَمْ .. وفي دمّ الشهيد
رح ينتقم …. ويطهّر البلدان
………………………..
جاسم الحسن
