محكي لـِ عبـّاس سليمان علي
*^*^*^*^*^*^*^*^*^*
ما متلها رْسومُ وْ صورْ
ما لا شبه بين البشرْ
وحواجبا حدودِ الدِّني
متلِ السـُّيوفِ بـْ تـِنحني
ورموشها تـْ شقِّ المدى ..
تا حسْ .. هـَ الكونِ انـْشطرْ
وجبينها طلـِّةْ فجرْ
لوحهْ بـْ ألوانُ وْ عطرْ
وجفونها حدودِ الصـَّبرْ
وشـْطوطْ بـِ تـْحدِّ البحرْ
لـِ هـْدابْ ..
قضبانِ الأسرْ
نيـّالْ قلبو اللـّي نـْ أسـَرْ
= ســ 09/02/2014 ــورية – عبـَّاس سليمان علي
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ
بـِتذكريني كيف معشوق الحـِسانْ
بيضلْ مركي هيك عـَكتاف الزّمانْ
يتـْلقـَّط هبوب النـّسايم والعطرْ
وكلما خلص من عمر بيلاقي عمرْ
وْ ما بيملك بـْحالو على حبّو أمرْ
حتى الـْ متلْ منـِّكْ تجي تا تـِ ءْ مرو
تا تاخدو هونيكْ عا أبعد مكانْ
*(= في تعليق لي على ما نشرته صفحة ( شهرزاد القصيدة ) =)*
،،،،،،،،،،،،،،،،،،،،
غطـّي على كتفي
تا تـِدبليُ وْ تغفي
وخلّي الغفا يغزلـّك الأحلامْ
وْ خلّي الأماني تسبق الأيّامْ
وْ خلّي الحقيقة تقبر الأوهامْ
خلّي الدّفا بقلوبنا يلفي
= ســ 06/02/2014 ــورية – عبـَّاس سليمان علي
ـــــــــــــــــــــــــــــــــــــــــــــــــــــ
شو نفعها الأكوان من بعدي ..!!
شو نفع عطر الزّهرْ والوردِهْ ..!!
شو نفع لو طلّ الفجر ضاوي ..!!
ويكون لون القمح حنطاوي ..!!
لو ما كنتْ ..
عالحبْ ..
عـَ مـْروج الأملْ ..
ماشي أنا ..
وْ تا حقـِّقـُنْ ناوي
وْ عارف أنا للقلبْ ..
شو بدّي
= ســ 05/02/2014 ــورية – عبـَّاس سليمان علي
