قصيدة بالمحكي : يا هـَ الحلو الأزعرْ للشاعر : عبـَّاس سليمان علي *** يا هـَ الحلو اللّي بـِ الحلا مـْكتـَّرْ قلّي بعد .. لسـّاكْ مـِتذكـَّرْ

محكي لـِ عبـَّاس سليمان علي
*************************
يا هـَ الحلو اللّي بـِ الحلا مـْكتـَّرْ
قلّي بعد ..
لسـّاكْ مـِتذكـَّرْ
وقتِ اللّي كنا بالهوى نـِسكرْ
نحكيُ ونحكيُ ونـِنتشي
وْتـِسكبْ شعر متل الخمرْ
متل العطرْ
متل النـّدي مـْقطـَّرْ
والشوق جوّا قلوبنا جمـَّرْ
بـْ تـِتـْذكـَّر اللّي كنتْ تـِحكيلي
وْقلـَّكْ تا حتى نامْ ..
غنـِّيلي
بـْ تـِذكـُرْ شو عـَ الأشواقْ تـِشكيلي
ويصيرْ بدي الشوقْ برِّدلـَكْ
يا دلْ دلـّي يا حلو ْ ..
ودلـَّكْ
قرِّبْ عليّي شويْ تا قلـَّكْ
قرِّبْ ولاكنْ بس ..
أوعا الزَّعرنهْ
وكْ بعرفـَكْ ..
بعرفْ أنا
شقدَّكْ إنـِتْ ملعون ومـْكتـَّرْ
بعرفْ أنا ..
شقدَّكْ شقيُ وْملعون يا أزعرْ
= ســ 22/3/20155 ــورية – عبـَّاس سليمان علي