عباس سليمان علي مع صابر الطيب
إلى صاحب كعب الدَّستْ ..
شعر محكي لـِ عبـَّاس سليمان علي
***^^^***^^^***^^^***^^^***
يا شاربِ الكاساتْ من كعبِ الدِّستْ
يللّي خيالـَكْ طارْ اعلى من الخيالْ
سكـَّرتني من كاس ما منها شـْربتْ
وخمورها بالكاسْ ما بـْ تـِنطالْ
كنـّي أنا عـَ السـَّكتْ بـِ دانا هـْمسـِتْ
تا قولْ يللـّي لا نـْحكىُ وْ لا نـْقالْ
وغـْزلتلا أشعارْ ما متلا غـْزلتْ
أشعارْ رحْ تـِصعـَبْ عاى القوَّالْ
بـِ تـْقولها الصـّابيعْ .. لاكنْ عـَ السـَّكتْ
بـْ لمساتْ تـِغزل عـَ النـَّقاوهْ شالْ
مـْنِ شفافها .. ويليـــــهْ ويلي شو شربتْ
مـْن شـْفافها خمر المقطـَّرْ سالْ
وشعراتها من حول خدّيها شفتْ
عـَ الصّدرْ غنـْجـِةْ شعرها سلسالْ
يا ريتْ شعرَكْ ما قريتو وْلا عـْرفتْ
صحـَّيتْ فيـّي الـْ ما خطرْ عـَ البالْ
يا شاعرِ الكاساتْ فيـّي شو عـْملتْ
نار الجوى والشّوق بالقلبِ وْقدِتْ
وصعبهْ عليـّي إطفيا ..
يااا خالْ
عبـَّاس سليمان علي
(*) القصيدة تعليقاً على رائعة لـِ الحبيب الشّاعر ابو جعفر علي خليل