عثر عليها بعد خمسين عاما … وكانت جزء من طفولته
خمسينية طفل // من قصار الصور بالمحكي
خمسين مـرقوا والعــمر مـو مَضحكي
حاجي بقى طـَـفـُّولـتي لـيـش الـبـِـــكي
خمسين مرقوا مانطفى وهـج الغرامْ
يلاَّ لـَــندلـقْ بالحَـكي كلّ الحَــــــــكي
هاتي شو عِـندكْ واسكبي خمر الكلامْ
والكون يـسكرْ والبَــشر ومْـلايـــــكي
خمسين مـرقو والأملْ يسقي الهُــيامْ
والعَــــــين بَـعـدا عالِـقـا بـِخـْـيالـِــكي
بـذكرْ سوى بالمدرسة كـــنـّا صغارْ
أحلامـــــــــنا صـــــغيري وَردْ وزْرارْ
مَــريـولكِ المِكويْ معَ الفــــــــــــولارْ
بالدَّرس كـــــــــنتي أول الشـّــــطارْ
كـُنتي البراءة والصّدق في حَكْـيـِكيْ
شَعْـراتكِ الحُــلوين كــــــانوا قــصارْ
بِـعْـشـَقْ بَـياضُنْ لـو صرتْ خـتـيارْ
عـكازتكْ تحـكي عشقْ وســـــــرارْ
يَـلاّ بـَقى تـَـنكـمّل المِـــــــــــشوارْ
تـَوّجْ حَــــــــياتي كـُلـَّها بـِوْصالـِكِ
نـُـقـعـدْ سوى في حِشمة الـزّهــــادْ
وبْشوشركْ شو صـــــارعـــندي ولادْ
واسمعْ هُمـومــكْ عن ضَـنى وحْـفادْ
لكــن بـقـلبي ها لجَـمرْ وقـَّـــــــــادْ
بـقـْطعْ شروشو لِـلوفا كـــــــــرمالكِ
حسن إبراهيم سمعون