عتب عـَ العمر
عـَتـْبانْ عـَ سـْنيني
إجـِتـْني مـْ بـَكـَّرَهْ
حـَكـْمـِتْ عـَلـّيـّي بـِالشـَّقا..
والـْ قـَهـْقـَرهْ
حـْمـَلـْتِ الشـَّقا بـَكـِّيرْ
بـِ الـْهـَمْ والتـَّعـْتيرْ
بـِقـْضي نـْهاري بـِالضـَّجـَرْ
واللـَّيـْلْ بـِ التـَّفـْكيرْ
مـَشـْغولْ بـِ اللـّي راحْ
وشو هـَ اللـِّي جرى
وْ هـِيـّي ..
عمـِرْها جايْ بـِ وَقـْتو ضـَبـِطْ
بـَعـْدا بـْ أوَّلْ عمـِرْها وصـْغـَيـَّرَهْ
عـَتـْبانْ عـَ كلِّ الدِّني
عـَ لـْيالي قـَهـْرِ مـْسـَوْدَنـِهْ
عـَ كلْ ساعـَهْ بـْ تـِنـْقـَضى مـْنِ الـْ وقـِتْ
ومـْلـَوَّنـِهْ بـْ لـَوْنِ الـْ أسى والـْمـَقـِتْ
ونـْطـَرِتْ يـَومِ بـْ تـِنـْجـِلي لـِ هـْمومْ
وتـْشـِقْ عـَتـْمِ اللـَّيـْلْ ..
شمسِ مـْ نـَوَّرَهْ
لاكن يا حـَسـْرِةْ هـَ الـْقلبْ
بـَعـْدو على حـْدودِ الـْحلمْ
تايـِهْ مابـَيـْنِ اللـَّوْ ..
... والـْ يا هـَلْ ترى
بـَيـْنيُ وْ بـَيـِنـْها كـْتيرْ في مـْسافـِهْ
طـِرْقاتْ كلاّ جـْرودْ ..
وحـْفافي
فيها الـْقلبْ مـَشـْغولْ
ضايـِعْ ما بـَيـْنِ الـْ حلمْ والـْ مـَعـْقولْ
شو هـَمْ لـُوْ حـَبـَّيـْتـْها بـِ الـْ وَهـِمْ والـْ كـِذبـِهْ
ويـْكونْ عـِنـْدا عـِلـِمْ .. وتـْخـَبـِّي
والـْ عـَينْ تـِعـْشـَقْ عـَيـْنـْها
وْ نَبـْضاتـْها ..
يـُنـْبـُضْ بـِها قلبي
يا ناسْ لـُو حـَبـَّيـْتـْها..
.. بالله شو ذنبي ..!
ذنبي أنا ..
.. جـِيـْتِ الدِّني بـَكـِّيرْ ..!!
وْ ذ َنـْبا إجـِتْ .. مـِتـْأخـَّرَهْ ..!!
وْ قلبي ما فيـّي ز َعـِّلو
وْ روحي ما فيـّي إجـْبـِرا ..!!
يا ريتْ هـَ الـْ إيـَام تـِرْجـَعْ بـِ الـْ وقتْ
وتـِرْجـَعْ ليالي العمرْ كلاّ لـَ الـْ وَرا
وْروحِ الشبابِ تـْعودْ رَوْضـَهْ مـُز ْهـِرَهْ
وْ لا حـِسْ بـِ لـَوْعـِةْ سـِنينِ الـْ خـَتـْيـَرَهْ
بـَلـْكي الأماني بـْ تـِنـْعـِشا اللـَّوِّاتْ
وبـَلـْكي الأملْ بـِيـْعودْ ...
... بـِ الـْ يا هـَلْ ترى
تعليق