أمثال العوام في شهور العام (1) إيلول ـ تشرين
المهندس جورج فارس رباحية
ايلــــول
إيلول دنبو مبلول
بإيلول مَوِّن عيالك وشيل الهَمْ عن بالك
بشهر ايلول دَبِّرْ المكيول للعدس والجمُّص والفول ( لقُرب أيام المونة)
بعد الصليب الآخراني صيف تاني
بعيد الصليب الدنيــا بتعيب ( 14 إيلول )
بعيد الصليب كل أخضر بيسيب
شعنن وادخل وصَلِّبْ واعبر
صَلَّبِتْ خرَّبِتْ ( أي بعد الصليب كل شيء يترك مهملاً في الكروم )
عنصِر واطلع وصلِّ وانزل ( أي انزل من على السطح )
عيِّد واطلع صَلِّبْ وانزل
في واحد وعشرين ايلول صحوة بلا غيوم
قمر ايلول صحوة بلا غيوم
مالك صيفية إلاّ بعد الصليبية
تشــريــن
أوَّل دخولو شمعة طولو ( يقال عند بدء شهر تشرين الثاني )
اذاخلص التين عليك بمية تشارين
بَرْدْ تشاريت أحدّ من السّكاكين
بَرْدْ تشارين تْوَقَّاه وبَرْدْ الربيع استلقاه
بَرْدْ تشرين بيهري المصارين
بين تشرين وتشرين صيف تاني
سبِّع بيتك قبل تشرين يامسكين ( طحين – سمن- زيت – دبس – برغل – خضار يابسة – شنكليش )
الصبيّة بتقول : بتشرين بكمِّل العشرين
عض على حيّة ولاتعضّ على خيارة تشرينبة
عيد مار ميخائيل مفتاح الشتا ( 8 تشريت الثاني )
اللي ما شبع عنب وتين بيشرب من ميّة تشارين
14/8/1995 المهندس جورج فارس رباحية
ـ المصدر : كتاب أمثال حمص الشعبية : المهندس جورج فارس رباحية 2006
تعليق