يا لور حبك - الأخوين رحباني
يا لور حبك قد لوع الفؤاد
و قد وهبتك الحب و الوداد
ألا تذكري ليالي الصفا
و عهد عهدناه على الوفاء
الليل و الأحلام و الشاطئ النادى
و الشوق و الأنغام و الموطن الهاني
يا طيبها أيام أحلى من الغفى
و تنشد الأنسام على الوفا
ــــــــــــــــــــــــــــــــــــــــــــــــــ ــــــــــــــــــ
يا من يحن - الأخوين رحباني
يا من يحن إليك فؤادي هل تذكرين عهود الوداد
هل تذكرين ليالي هوانا يوم ألتقينا و طاب لقانا
حين الوفا للأغاني دعانا طاف الجمال على كل وادي
هل تذكرين غداة الورود حنت علينا و طابت وعود
كانت لنا في الغرام عهود صارت حديث الربى و الشوادي
ــــــــــــــــــــــــــــــــــــــــــــــــــ ــــــــــــــــــــــــ
يا ميت مسا - الأخوين رحباني
يسعد صباحك و المسا يللي ما بترد المسا يا ميت مسا
يا ميت مسا با ميت مسا علي ما بيرد المسا يا ميت مسا
يا ميت مسا علي أشتكى و عا حفة الباب أتكى
على اللي انحكى و عل منحكى و على أنتسى و ما بينتسى
يا ميت مسا طل القمر يرقص و يلعب عالشجر
تاري القمر غاوي السهر عشقان و بقلبو قسا
ــــــــــــــــــــــــــــــــــــــــــــــــــ ــــــــــــ
مرمر زماني - الأخوين رحباني
مرمر زماني يا زماني مرمر
مرمرتني لا بد ما تتمرمر
مر و سألني لمين هالتشكيلي
و لوح بأيدو و الدنيي مقابيلي
قلتلو أوعي بقى توميلي
دريو بهوانا والحكي عم يكتر
مر و سألني وين عين الميي
و الغصن تاكي و الدنيي مضويي
قلتلو بعيد الطريق شويي
فيقت عاوردو نسيم عنبر
ــــــــــــــــــــــــــــــــــــــــــــــــــ ـــــــــــــــــ
الميج الميج دبكة - الأخوين رحباني
الميج بو الميج يا بو الميجانا
أعراسنا غناني و هوا و حب و هنا
عقبالهن يتجوزوا كل ال أجو
و بعرسهن يتفرجوا عارقصنا
يا ليل نسم بالهوا عأهل الهوى
نسهر سوى و نحكي سوى يا حبابنا
هب الهوا و ميل جنى أغراسنا
و نادولنا نواطيرنا و حراسنا
ما أجملك بالحب يا ليالي الجبل
زيني عا زينات الدنيي أعراسنا
عريسنا بليل الهنا يبقى لنا
و تبقي لنا يا أرضنا و يا بلادنا
دنيتنا الوعر الصخر الزهر الوردات
حكايتنا القلب الحب الدرب الحنوات
شو حلوي يا ضيعتنا يا دنيتنا
فيك زرعنا محبتنا و حلوي الكرمات
و الليل العاطي سرارو و مضوي دارو
نزلوا بضيعتنا قمارو يحكوا حكايات
دنيتنا الوعر الصخر الزهر الوردات
حكايتنا القلب الحب الدرب الحنوات
قصتنا القلب الحب الدرب الحنوات
ــــــــــــــــــــــــــــــــــــــــــــــــــ ـــــــــــــــــــ
لملمت ذكرى لقاء الأمس - الأخوين رحباني
لملت ذكرى لقاء الأمس بالهدب و رحت أحضرها في الخافق التعب
أيدي تلوح من غيب و تغمرني بالدفء و الضوء بالأقمار بالشهب
ما للعصافبر تدنو ثم تسألني أهملت شعرك راحت عقدة القصب
رفوفها بريق في تلفتها تثير بي نحوها بعضا من العتب
حيرى أنا يا أنا و العين شاردة أبكي و أضحك في سري بلا سبب
أهواه من قال إني ما أبتسمت له دنا فعانقني شوق إلى الهرب
نسيت من يده أن أسترد يدي طال السلام و طالت رفة الهدب
حيرى أنا يا أنا أنهد متعبة خلف الستائر في أعياء مرتقب
أهوى الهوى يا هلا إن كان زائرنا يا عطر خيم على الشباك و انسكب
ــــــــــــــــــــــــــــــــــــــــــــــــــ
بكوخنا يا بني - ميشال طراد
بكوخنا يا بني بهالكوخ الفقير
و التلج ما خلى و لا عودة حطب
و الريح عم يصفر فوق منو صفير
و تخزق بهالليل من جيرة قصب
وقفوا عشباكك يدقوا العصافير
بجوانحن يا جوانحن المتشرنين
جايين يتلطوا عا كتر الزمهارير
و رفيقك البلبل شو مشتقلك كتير
مخبيلك بعبو شي ميت سوسني يا بني
على واق لو فيي يا عيني لاطير
اتفقدك يا رجوتي بعدك زغير
عمرك و عمر العطر ما كفوا السني
و شو الدنيي يا بني و شو طعم الدنيي
ما هبجت وجيي إيديك الحرير
شو الجرس هالحامل بشارة العيد
شو ألف عيد و ألف أنينة نبيد
صوتك اليتدحرج بقلبي و عم يضيع
نازل عن التلة بهالوادي البعيد
حامل بإيد الصبح و بأيد الربيع
و من يوم هالغيبي و الله يسامحك
عم فرفت بهالفل عم قطف ريحان
عم بستعير من السما أجمل ألوان
و خرطش عا هالحيطان لنو ملامحك
و هالقلب عم حفو على اجريين السرير
عم مرمغو بلعبك بمطارحك بفراشك
بريحة ريشات جوانحك
بغبرة حوافر حصانك هالزغيري يا بني
ــــــــــــــــــــــــــــــــــــــــــــــــــ ــــــــــــــــــــــــــ
راضية - الأخوين رحباني
قعدت الحلوي تغزل بمغزالها
و تراجع حساب العتيق ببالها
عمر الهوى حكاياتها عهد المضا
و كيف غنت للحلو موالها
مش قايقة حكيت معو من أيمتي
مش فايقة يمكن بأيام الشتي
سألت اذا بيحبها و قالا اسكتي
و قرب و مدري شو ترك عاشالها
قديش يوما انقال و اتألف حكي
و قديش وعيت هالمخدة عالبكي
شو تغار شو تخبي و لا كانت تشتكي
و غير القمر ما كان داري بحالها
و اليوم حلما زهر و عاشوا سوى
و بعدا ظنونا كرم بمهب الهوا
و جروح ليش تعدها جروح الهوى
مازالها تركت بحقلو غلالها
راضيي تفيت عيونو راضيي
و ناسيي كل الجروج الماضيي راضيي
و بدموعها البيضا عا حبو ماضيي
حبو سماها و أرضها و تلالها
ــــــــــــــــــــــــــــــــــــــــــــــــــ ـــــــــــــــــ