تويت
اضحك مع المتزوجين
---------------------
واحد ماشى مع خطيبته واخر انسجام
فقالها : عارفة اية هو الحب واية الجواز؟
قالته : لا
قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها واحنا بنبص على النجوم
------------------------------------
واحد متجوز وقاعد في البيت وبيبص كتير في عقد الزواج
مراته قالت له : بتبص في عقد الزواج ليه يا حبيبي؟
قالها : مش عارف يا حياتي المأذون كتب تاريخ انتهاء العقد فين
---------------------------------
واحد قاعد في أمان الله بيقرا الجرنال
وفجأة جت مراته وضربته بغطا الحلة فوق دماغه .. طرررررخ
الزوج : 'فيه ايه يا بنت الحلال؟ ليه كدا؟؟؟
الزوجه : ايه الورقه اللي في جيب بدلتك ومكتوب عليها 'سوسو'؟
الزوج : يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها
بعد اسبوع
الزوج قاعد في أمان الله يقرا الجرنال
وفجأة جت مراته وضربته بغطا الحلة على راسه
الزوج : خير يابنت الحلال في ايه تاني؟
الزوجه : حصانك على التليفون
------------------------------------
واحد بيقول لمراته ... انا النهاردة عايز رومانسية فى البيت
راحت الزوجة سألت امها : يعنى ايه رومانسية ؟
الام : مش عارفة بس احتياطى إنقعى الرز
----------------------------------------
مره واحده بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى بتجيلك؟
-------------------------------------
مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : حتعمل إيه؟
قاله : هوديها الصين
قاله : يا راجل فى عيد جوازكم العاشر توديها الصين
أومال فى عيد جوازكم الخمسة وعشرين حتعمل ايه؟
فقالوا : حروح اخدها
---------------------------------------
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة بالشبشب قالها وده ماله
قالتله : اصل ده الى اتجوزها
تعليق