إعـــــــلان

تقليص
لا يوجد إعلان حتى الآن.

ع دروب الشعر

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    ع دروب الشعر

    ع دروب الشعر ناطرة منك جواب
    لمسة سحر منك تفتح لأفكاري البواب
    تصحي فيني حلم الحروف الملبكة
    الغافية جواتي ع صمت الحكي
    وتنشر شذها ع الدني كل الدني
    والياسمين من عطرها يغار وينحني
    *******
    الشعر عندك فلتة حكي
    وأنا من هم الفلتة بشتكي
    وبعدك بتسالني شو بني
    *******
    الشعر يا صاحبي ماهوي كلام
    نسطروا بصفحاتنا والسلام
    الشعر صوت الأنا فينا
    صوت الحزن 00 صوت الفرح 00 العايش بليالينا
    الشعر
    ضحكة صبية عاشقة وناطرة يمر بدروبها الهوى
    لهفة صبي ع شوفتا تحت الشتي
    الشعر هوي الخليل بالغياب 00 والشرود والعتاب
    وهو ي خمرة الحب والشباب
    الشعر
    خوابي غزل 00 خوابي عسل
    00 خوابي حكي
    اللي من بعدو يفنى الحكي
    ( رد على تعليق عباس بقصيدة مشوار )
    وسبب هالقصيدة الغيرة هههه
    لن اقول كل ما افكر به00 لكنني حتما سافكر في كل ما ساقوله
    الكلمات الدلالية (Tags): لا يوجد
  • #2
    رد: ع دروب الشعر

    شو هالغيرة الحلوة يا بلقيس
    ان شالله بتقضي كل وقتك غيرانة اذا هيك النتائج
    تسلم ايديكي ويسلم قلمك!!!

    تعليق

    • #3
      رد: ع دروب الشعر

      ما أطيب شهد العسل
      من خمر خوابيك
      وخمر الغزل عم يسكر
      من سحر عينيك
      وخمر هالحكي الحلو
      بيتحني من عطر إيديك
      عم تغاري يا بلقيس
      نحنا بنغار من خوابيك
      قيمة المرء ما يحسنه

      تعليق

      • #4
        رد: ع دروب الشعر

        صباحكم فل وياسمين
        ردينة 00 زين العابدين
        لن اقول كل ما افكر به00 لكنني حتما سافكر في كل ما ساقوله

        تعليق

        • #5
          رد: ع دروب الشعر

          بلقيس .. يا بلقيس
          شو حامـْلـِه بـْ هـَ الكيس...!!
          شهدُ وْ عسلْ..!!
          والاّ خـْوابي من الخمرْ
          قبلا ما خمـْرِ بـْ يـِنـْعـَمـَلْ..!!
          شو حامـْلـِهْ ... شو حامـْلـِهْ..!!
          كمشـِةْ شعرْ ...
          إنتي غـْزلـْتيها إلي..!!
          وما عارْفـِهْ شو عامـْلـِهْ...!!
          قولي يا هـَ الـْ بلقيسْ
          أمرِكْ يا هـَ الـْ بلقيس
          حيـَّرْ ظـْنوني .. لـَبـَّسو التـِّلـْبيسْ
          خـّيـَّاطْ بيـْخـَيـِّطْ قبل ما يـْقيسْ ..!!
          شو حـْكايتكْ .. بلقيسْ..!!
          لا تجرْبي تا تـْ دّغـْدغي ءْ حاسيسْ
          شاعرْ على دربِ الـْ هوى يـِحبي
          تا مـَحـِّتِ الر ِّكـْبـِهْ
          وْ قدّامْ منـُّو... قلـْعـِةِ مـْتاريسْ
          =================
          ممتازْ يا بلقيسْ

          تعليق

          • #6
            رد: ع دروب الشعر

            هالشهادة يا بلقيس لازم تطبعيها وتبروظيها!!!

            تعليق

            • #7
              رد: ع دروب الشعر

              والله يا ردينة عباس عم يستعمل معي لغة الاستفزاز منشان يشوف شوفي عندي بهالكيس
              بس بحب قلوا 000
              ما عندي الك لا حكاية ولا رواية
              الا شوية حكي بقلبي مخباي
              وناطرة يصحى الهوى جواتي انا
              بتعرف بعدها قصتي وحكايتي
              ناطرة يمر الهوى بدروبي
              تعلمك كيف ا لغزل بيكون
              وكيف الشعر جواتي مدفون
              بس الحقيقة الكلمة من غير عشق 000 مش محسوبي
              لن اقول كل ما افكر به00 لكنني حتما سافكر في كل ما ساقوله

              تعليق

              • #8
                رد: ع دروب الشعر

                ناطرْ أنا إسمع
                والعين صبرا كبيرْ تا تـِقشعْ
                بعرف أنا عندك قلب محزونْ
                والدمع عندك .. دوَّبا لـِ جفون
                بلقيس قولي بـِسـْمـَعـِكْ
                شو اللّي ضناكيُ وْ وَجـَّعـِكْ
                هالعمرْ .. شوْ عامـِلْ معكْ
                أخـْدِكْ لـَوَيـْنُ وْ ما رضيْ تا يـْرجـِّعـِكْ
                بلقيس قولي .. خـَبـِّري
                والله الأسى إسمو أسى
                وْ تا يـْحـِنْ .. أوعي تـِنـْطـِري
                ما بـَعـْرفو عودِكْ قـِسي
                واللاّ الـْغصنْ بـَعدو طـَريْ
                عيشي العمر لحظـِةْ هنا
                وْ عـَالظـُّلـْمْ بـَدِّكْ تـِصـْبـِري
                وْ لا تـْقـّوِّسي الـْعصفورْ بـِالـْمـَدْفعْ

                تعليق

                السابق template التالي
                يعمل...
                X