تويت
الحكاية الشعبية في التراث الحمصي
مديرية الثقافة بحمص
حكاية ( أبو عـدوس وأم عـدوس) نماذج مـن فرشـات الحـكاية في التراث الحمصي
نماذج مـن فرشـات الحـكاية
أبو عـدوس وأم عـدوس
كان في أبو عدوس وأم عدوس، أبو عدوس طلع عالبريه ليفلح، مر بياع الخواتم والأساور لعند أم عدوس، اشترت منو خواتم وأساور وأعطتو حقن برغلات المونه...
رجع أبو عدوس من الفلاحه، قالا: حطي الأكل يا أم عدوس، ردت عليه أم عدوس: ويلي ما في شي غير خش بش.
أبو عدوس ضرب أم عدوس. أم عدوس تركت البيت وراحت قعدت عالمزبله زعلانه.
مرت من جنبا بسّه وصارت تنوي، قالتلا أم عدوس: بعتك أبو عدوس والله ما بدوس.
مرت من جنبا جاجه وصارت تبحش وتقاقي، قالتلا أم عدوس: بعتك أبو عدوس والله ما بدوس.
بعد شوي مر من جنبها جمل شايل حمل تين وحمل زبيب، فرحت أم عدوس وقالت: بعتك أبو عدوس والله هلّق بدوس.
جرّت الجمل ورجعت لعند أبو عدوس. قالتلو: طبعاً يا أبو عدوس هيك برضى وبدوس.
قام أبو عدوس نزّل حمل التين وحمل الزبيب ودبح الجمل وعمل منو كبّه، وصار عندن كبّه كتير حمل أبو عدوس الكبّه وطلع عا السطح وصار يرميها على الناس في الشارع.
مر صاحب الجمل وسأل أم عدوس: إن كان شافت جمل عليه حمل تين وحمل زبيب ؟ قالتلو: إي والله شفتو لقاه أبو عدوس ودبحو. سألا الرجل: امتى صار هالحكي ؟ قالت أم عدوس: لما صارت السما تشتي كبّه.
راح صاحب الجمل هرب وهو عما يصيح: ياهو يا ناس تعو شوفو الله علّقني بعجوز خرفانه وما فيا عقل, إمتى الدنيا بتشتي كبّه ؟.
مديرية الثقافة بحمص
حكاية ( أبو عـدوس وأم عـدوس) نماذج مـن فرشـات الحـكاية في التراث الحمصي
نماذج مـن فرشـات الحـكاية
أبو عـدوس وأم عـدوس
كان في أبو عدوس وأم عدوس، أبو عدوس طلع عالبريه ليفلح، مر بياع الخواتم والأساور لعند أم عدوس، اشترت منو خواتم وأساور وأعطتو حقن برغلات المونه...
رجع أبو عدوس من الفلاحه، قالا: حطي الأكل يا أم عدوس، ردت عليه أم عدوس: ويلي ما في شي غير خش بش.
أبو عدوس ضرب أم عدوس. أم عدوس تركت البيت وراحت قعدت عالمزبله زعلانه.
مرت من جنبا بسّه وصارت تنوي، قالتلا أم عدوس: بعتك أبو عدوس والله ما بدوس.
مرت من جنبا جاجه وصارت تبحش وتقاقي، قالتلا أم عدوس: بعتك أبو عدوس والله ما بدوس.
بعد شوي مر من جنبها جمل شايل حمل تين وحمل زبيب، فرحت أم عدوس وقالت: بعتك أبو عدوس والله هلّق بدوس.
جرّت الجمل ورجعت لعند أبو عدوس. قالتلو: طبعاً يا أبو عدوس هيك برضى وبدوس.
قام أبو عدوس نزّل حمل التين وحمل الزبيب ودبح الجمل وعمل منو كبّه، وصار عندن كبّه كتير حمل أبو عدوس الكبّه وطلع عا السطح وصار يرميها على الناس في الشارع.
مر صاحب الجمل وسأل أم عدوس: إن كان شافت جمل عليه حمل تين وحمل زبيب ؟ قالتلو: إي والله شفتو لقاه أبو عدوس ودبحو. سألا الرجل: امتى صار هالحكي ؟ قالت أم عدوس: لما صارت السما تشتي كبّه.
راح صاحب الجمل هرب وهو عما يصيح: ياهو يا ناس تعو شوفو الله علّقني بعجوز خرفانه وما فيا عقل, إمتى الدنيا بتشتي كبّه ؟.