تويت
الأمثال الحمصية في الشـطارة والكذب والكولكة
إجا من البريّة وأخد الأوليّة
جاء غريب عن الجماعة من البرية، وفاز على الجميع فكان الأول.
إذا أنت العدل أنا رباطو
أي ما حدا أقل من حدا ولا أحد سهل. والعدل هو كيس القنب، ويربط بالخيط فيكون رباطه ...
أنا حاصود ملوخية، عند الأكل باكل قد ميّة، وعند الشغل ما في نيّة
أي هو شاطر عند الأكل، وكسول عند العمل.
يعرف القير والقراقير واللي مقمّط بالسرير
يعرف الشاردة والواردة
أي يعرف كل صغيرة وكبيرة. والقير والقراقير: أي المخبأ في الأكياس والأواني. والمقمط بالسرير الطفل في لفّته .
أبو حسين بيعمل معو القرش اتنين
بيضرب عصفورين بحجر
بيسرق الكحل من العين
بيخطف الكباية من راس الماعون
بيلهي الأم عن رضيعها
بيلهي الحمار عن عليقو
بالكلام والقصص والحركات الفارغة غير المهمة.
بياخدو عالبحر ويرجعو عطشان
قبضاي ما في شيء بيصعب عليه
مخبّى بتيابو
طبق نحاس منين ما ضربتو بيرن
بيطلع منها متل ما بتطلع الشعرة من العجين
ياما تحت السواهي دواهي
يا ما تحت اللفّة قرون ملتفة
الرجل يظهر أنه مسكين ويخرج منه بلاوي.
الغزّالة بتغزل على عود
الماهرة والشاطرة لا يمنعها شيء من القيام بعملها.
بدي كيدك وما فيدك
يضع سرو في أضعف خلقو
مية قلبة ولا غلبة
أي نقض الاتفاق من بدايته أفضل.
الغاية تبرر الوسيلة
طالع الخمير والفطير
حصل على كل شيء منه بدل الواحد مئة.
إذا ضاعت الحمير احفظ أرسانها
والرسن أي المقود.
ـ في الكذب
لا تكذب حبل الكذب قصير
الحق الكذاب لورا الباب
اللي بدو يكذب يبعد شهودو
الكذب لسان الشيطان
المي بتكذب الغطاس
قالو: للحرامي احلف يمين قال: إجا الفرج
على هامان يا فرعون
حيلك مكشوفة، ولا تمر علي.
منقول : مصطفى الصوفي