لو غيرتي عيبي فانا كلـي عيوب
ولو طيبتي زادت ترى مـو خطيـه
عليك من بين الملا جد مـا تـوب
أغار حيـل وغيرتـي مـو بيديـه
حتى من النسمة إلا هبـت هبوب
أغار لـو تلمسـك روحـه وجيـه
وأغار من ظل(ن) يماشيك بـدروب
أسبق خيالك قبـل لا يجيـك ضيـه
و أغار من أطراف يـدك ويـا دوب
تلمس خدودك جـن عقلـي عليـه
كلك على بعضك ترى بجد في صوب
وكل الملا في صوب يا أحلى البريه
عينك أبي لا صارت بعيني تذوب
وقلبـك إذا بيمـوت فيمـوت فيـه
أنت الأمل لا صار هالحظ مسلـوب
وأنت الوفاء لا خـان ها لوقـت بيـه
لو قلت أحبك مـا تكفينـي قلوب
يبيلي ميـة قلـب وعنـدي شويـه
إنا إذا حبيـت حبيـت بسـلـوب
ومن زود حبي جبت قلبـي هديـه
هذي عيوبي بختصرهـا بعـذروب
إني أحبـك مـوت وللحـب بقيـه
يا تقبل إعيوبي وتقبلنـي محبـوب
ولا ترى غيرك مـن النـاس ما بيـه
مماااا رااااق لقلبي!!
تعليق