تويت
من وحي الوقفات البطولية للشهامة العربية عند اجتياحات غزه وجنين ورفح و.........
· مَـزَّقْ شهيد القدسْ ..
....من غَيظو الـْكفنْ
صيـَّحْ بـِعالي الصوتْ ..
.....من جنـِّةْ عَدَنْ
بالدَّمْ .. رحْ نرْسُمْ وطنْ
عاداتنا ... نـْهدِّ الـْمِحَنْ
لـَمـْلـَمـْنا أوراق الأ ُمـَمْ
لـَحـَّنـَّا أشـْعارِ الـْقـِمـَمْ
تانـْكفـِّنوا... طِفلِ الألـَمْ
يللّي بلا موتِ .........انـْدَفـَنْ
صيحِةْ ندمْ.... صاحِ بـْغضبْ
لا ياعربْ ... لا يا عربْ
........مو هيكْ بيكونِ الـْكفنْ
........مو هيكْ بيكون الـْكفنْ
· مـْنِ سـْنينْ ..
مـْنِ سـْنينْ يافـْلسطينْ بالقلبِ الـْجرحْ
مـْنِ سنينْ يافـْلسطين بالجرحِ الـْملحْ
مابـْيطـْلعِ عـْليكي صبحْ
صبحك مـْضيـَّعْ مَشْرقو
ليل السواد مـْغرَّقو
حاجزْ بني صهيونْ
حلجزْ بني ملعونْ
بيحاصر عْيون الزمنْ
مانِعْ شروق الصبحْ عا أرض الـْوطنْ
حاجزْ بني صهيونْ
ناطرْ على دروب الشمسْ
ممنوعْ تعبرْ مفرقو
مممنوعْ خيطان الشمس لو يمـْرقو
لاكنِ مـْالـْجرحْ .. رحْ يطلعْ صبحْ
........ رحْ نرسمْ شمسْ
منْ دمْ هالأطفالْ رحْ نرسم شمس
وْمـْن الـْجرحْ .. منْ حرقةِ الدّمعاتْ
منْ دمْ هالأطفالْ ...رحْ نرسمْ وطنْ
منْ بعدْ رامَ اللـ~ـهْ وجـْنينُ وْرفحْ
زعلو العربْ...!!
ومـْنِ الزَّعـَلْ... شربو قدحْ
والكاس من خمر الـْبلحْ
سهرو تا حتى تـْكسـَّرو
هلكو تا صاغو مقترحْ
لبسو العـِبا..
ومـْقصـَّبهْ ... هاك العـِبا
وْ مجلسْ أمنْ .. جلسهْ افتتحْ
أمريكا .. فتحتْ صدرها ..
ما ألطفا.. ومـْحبـِّتا مابـْتنطَفا
ياااااااااامرحبا .. ياااااامرحبا
يا ميتْ أهلا وْ ...مرحبا بـْأهل العـِبا
بـْ... أهل المسيحُ وووو مصطفى
يا مرحبا جيتو...!!!
شو بـْتشربو.... veto ...!!
تا يـْغـطّو منْ قِـدّامْ...
... كـّشْفوهْ الـْقفا
فاتو عـَ أبيضْ بيتْ
منْ حِرصْهنْ عا عتْبتو.. ما تنجَرَحْ
شلْحو مِنِ الـْ أقدامْ تا يمشو حَفا
لـِ بلاطْ عمْ يلْمعْ لمعْ
فرشو على بلاطو العـِبا
وْ شو بـْ يفرحو يمشو حـَبا
وْ يحلا بياض البيتْ
فاتوه بـْأملْ
وبـْإيدْهنْ ورقِةْ عملْ
متـْغمـَّسِهْ بالـلـَّوْ ..
متـْغلـَّفِهْ بـْ.. ياريتْ
شافو بياضِ الـْبيتْ
لاكنْ ... ماشافو مـَخلـَبا
طلْبو تايطفو نارْ أقدسْ بيتْ
جابو مـَطافي مـْ لوَّنِهْ ومـْ زوزقهْ
مليان قلبا زيـــــــتْ
اجـْتمعو الأممْ ....
ميــــن الأممْ ..!!
كلاّ لـَ راعيها غنمْ
أمريكا راعي هالغنمْ
شو همـْها نـْ ماتو الـْبشرْ
لـ ِ مـْهمْ لعبهْ تلعبا
أرض العروبهْ ملعبا
فـْلسطينْ .. هيي مضربا
شو همْ لو دمِّ نـْسـَفـَحْ
بال العربْ والله طويلْ
وْ لكْ لأ هنّي هالعربْ
عنقودْ عا شجرةْ نخيلْ
لعبهْ لـَ إسرائيلْ
لو هزّتو بيـ إيدها..
.........تـْفـَرْفـَطْ بلحْ
بسِّ العربْ ما همـْهـُنْ
بيفكْرو يتـْبرَّعو
حتى لو استشهدْ شهيدْ
حتى ... لو استشهدْ وطنْ
عندنْ مخازنْ أسلحهْ
وقتِ الـُّزومِ مـْنفتحا
استنكارْ مداه بـعيدْ
صْـواريخْ منْ تنديدْ
مو همْ لو ماتِ الـْوطنْ
همِّ العربْ عمرو زمنْ
ما يقدرو يـْلاقو كفنْ
قدّو على قدِّ الوطنْ
تا يـْكفـِّنو أغلى وطنْ
مو مشكلِهْ .. مومشكلِهْ
والله العربْ أهل الغـِنى وْ أهل الكرمْ
رحْ يجمعو ويتـْبرَّعو بـْ حقِّ الـْكفنْ
وبخيوطْ عـِزِّ مـْقصـَّبهْ
رح يغزلو كفان الوطنْ
أغلى وطنْ
بدّو من ِ قصور العربْ
................أغلى كفنْ
= 0932570882 = 0312775220 =
= 2002 = عباس سليمان علي =
شهيد القدس
· مَـزَّقْ شهيد القدسْ ..
....من غَيظو الـْكفنْ
صيـَّحْ بـِعالي الصوتْ ..
.....من جنـِّةْ عَدَنْ
بالدَّمْ .. رحْ نرْسُمْ وطنْ
عاداتنا ... نـْهدِّ الـْمِحَنْ
لـَمـْلـَمـْنا أوراق الأ ُمـَمْ
لـَحـَّنـَّا أشـْعارِ الـْقـِمـَمْ
تانـْكفـِّنوا... طِفلِ الألـَمْ
يللّي بلا موتِ .........انـْدَفـَنْ
صيحِةْ ندمْ.... صاحِ بـْغضبْ
لا ياعربْ ... لا يا عربْ
........مو هيكْ بيكونِ الـْكفنْ
........مو هيكْ بيكون الـْكفنْ
· مـْنِ سـْنينْ ..
مـْنِ سـْنينْ يافـْلسطينْ بالقلبِ الـْجرحْ
مـْنِ سنينْ يافـْلسطين بالجرحِ الـْملحْ
مابـْيطـْلعِ عـْليكي صبحْ
صبحك مـْضيـَّعْ مَشْرقو
ليل السواد مـْغرَّقو
حاجزْ بني صهيونْ
حلجزْ بني ملعونْ
بيحاصر عْيون الزمنْ
مانِعْ شروق الصبحْ عا أرض الـْوطنْ
حاجزْ بني صهيونْ
ناطرْ على دروب الشمسْ
ممنوعْ تعبرْ مفرقو
مممنوعْ خيطان الشمس لو يمـْرقو
لاكنِ مـْالـْجرحْ .. رحْ يطلعْ صبحْ
........ رحْ نرسمْ شمسْ
منْ دمْ هالأطفالْ رحْ نرسم شمس
وْمـْن الـْجرحْ .. منْ حرقةِ الدّمعاتْ
منْ دمْ هالأطفالْ ...رحْ نرسمْ وطنْ
منْ بعدْ رامَ اللـ~ـهْ وجـْنينُ وْرفحْ
زعلو العربْ...!!
ومـْنِ الزَّعـَلْ... شربو قدحْ
والكاس من خمر الـْبلحْ
سهرو تا حتى تـْكسـَّرو
هلكو تا صاغو مقترحْ
لبسو العـِبا..
ومـْقصـَّبهْ ... هاك العـِبا
وْ مجلسْ أمنْ .. جلسهْ افتتحْ
أمريكا .. فتحتْ صدرها ..
ما ألطفا.. ومـْحبـِّتا مابـْتنطَفا
ياااااااااامرحبا .. ياااااامرحبا
يا ميتْ أهلا وْ ...مرحبا بـْأهل العـِبا
بـْ... أهل المسيحُ وووو مصطفى
يا مرحبا جيتو...!!!
شو بـْتشربو.... veto ...!!
تا يـْغـطّو منْ قِـدّامْ...
... كـّشْفوهْ الـْقفا
فاتو عـَ أبيضْ بيتْ
منْ حِرصْهنْ عا عتْبتو.. ما تنجَرَحْ
شلْحو مِنِ الـْ أقدامْ تا يمشو حَفا
لـِ بلاطْ عمْ يلْمعْ لمعْ
فرشو على بلاطو العـِبا
وْ شو بـْ يفرحو يمشو حـَبا
وْ يحلا بياض البيتْ
فاتوه بـْأملْ
وبـْإيدْهنْ ورقِةْ عملْ
متـْغمـَّسِهْ بالـلـَّوْ ..
متـْغلـَّفِهْ بـْ.. ياريتْ
شافو بياضِ الـْبيتْ
لاكنْ ... ماشافو مـَخلـَبا
طلْبو تايطفو نارْ أقدسْ بيتْ
جابو مـَطافي مـْ لوَّنِهْ ومـْ زوزقهْ
مليان قلبا زيـــــــتْ
اجـْتمعو الأممْ ....
ميــــن الأممْ ..!!
كلاّ لـَ راعيها غنمْ
أمريكا راعي هالغنمْ
شو همـْها نـْ ماتو الـْبشرْ
لـ ِ مـْهمْ لعبهْ تلعبا
أرض العروبهْ ملعبا
فـْلسطينْ .. هيي مضربا
شو همْ لو دمِّ نـْسـَفـَحْ
بال العربْ والله طويلْ
وْ لكْ لأ هنّي هالعربْ
عنقودْ عا شجرةْ نخيلْ
لعبهْ لـَ إسرائيلْ
لو هزّتو بيـ إيدها..
.........تـْفـَرْفـَطْ بلحْ
بسِّ العربْ ما همـْهـُنْ
بيفكْرو يتـْبرَّعو
حتى لو استشهدْ شهيدْ
حتى ... لو استشهدْ وطنْ
عندنْ مخازنْ أسلحهْ
وقتِ الـُّزومِ مـْنفتحا
استنكارْ مداه بـعيدْ
صْـواريخْ منْ تنديدْ
مو همْ لو ماتِ الـْوطنْ
همِّ العربْ عمرو زمنْ
ما يقدرو يـْلاقو كفنْ
قدّو على قدِّ الوطنْ
تا يـْكفـِّنو أغلى وطنْ
مو مشكلِهْ .. مومشكلِهْ
والله العربْ أهل الغـِنى وْ أهل الكرمْ
رحْ يجمعو ويتـْبرَّعو بـْ حقِّ الـْكفنْ
وبخيوطْ عـِزِّ مـْقصـَّبهْ
رح يغزلو كفان الوطنْ
أغلى وطنْ
بدّو من ِ قصور العربْ
................أغلى كفنْ
= 0932570882 = 0312775220 =
= 2002 = عباس سليمان علي =
تعليق