تويت
هوّي العمر مشوارْ
*- يا هالْـحلو شو صارْ
والله الْـعمرْ مشْوارْ
ومن بعدها نختارْ
مشاويرنا منْـكرِّرا
وْنفس الدّروبْ مْـنعبرا
واللاّ الدّربْ منْـغيِّرا
بدْروبْ حلوه مْـزيَّنهْ بْـأنوارْ
وْ عجْـنابها .. طيبُ وْ شذى الأزهارْ
*- والله الْـعمرْ لحْـظةْ هنا
نْـحقِّقْ بها ... أحْلامْ خانتْـها المنى
ونمْـشي تاحتّى يتْـعبو لِـ دْروبْ
تا يُهْـرب مْـننْـهارنا لِـ غروبْ
تا يقْـربو لِـقلوبْ
محبوب يتْـكي عا صدرْ محبوبْ
ويْـلفْ زندو عالْـخصرْ زنّارْ
*- والله يا هالْـمحبوبْ
والله العمرْ ... دقّه وْ دقّهْ مْـعيَّر وْ محسوبْ
لا تْـفكِّر وْ تحْـتارْ
لِـ نهارْ بيروح وْ يجي لِـ نهارْ
والليلْ بدْرو مْـسافر وْ دوّارْ
لا تْـفكِّر وْ تحْـتارْ
شمس السّعادهْ بـْ تطلع وْ بتْـفلْ
لاكن قبل ما تْـفلْ... بتْـمرْ فوق الْـكلْ
منعيشها ضوْ وْ دفا
حب وضيا .. رح يمنح القلب الصفا
بْـتنشرْ ضيا ... بْـتعطي دفا
ومن بعدها تروح الشّمس وتْـفلْ
ونحنا بعدها نْـضلْ
ننْـطرْ شروقا هيك حتى نْـملْ
ننْطرْ لتاني نْـهارْ
*- وقت اللّي بتدقِّ الشمسْ بابك
لا تْـفكِّروْلا تحْـسُب حْـسابك
إفتحْ لها بْـوابك... نزِّلْ لها عْـتابك
إفرحْ معاها وْ فرِّحْ حبابكْ
شوف السعد ... إسعدْ مع صْـحابكْ
لا تْـطلِّع لْـ خلفكْ شوفيْه هْـمومْ
ولا تْـشوفْ مين يْراقب جْـنابك
طبع الْبشرْ غدّارْ
منهن حقود وْ حاسد وْ ثرثارْ
ومنهن حبيب يْـطيِّب النُّوّارْ
نقّي بقا وخْـتارْ
*- شو همْ شو بْـينقالْ
مين الْـ علينا ثرثر وْ شو قالْ
لا تْـفكّر وْ تحْـسبْ ولا تحْـتارْ
عيش الْـفرحْ أسرارْ... عيش العمرْ مشوارْ
والله قصيره وْديِّقهْ الأعمارْ
لا تحسب وْ لاتْـفكر وْ تحتارْ
نقي بقا واختارْ
عيش العمرْ مشوارْ
== تشرين الأول 2009 == عباس سليمان علي ==
تعليق