Fadia Restom




التوصيات يللي عم تجيني ع الشركة مشجعة جداً.. الرسائل من السيدات الاعمال يللي بتواصل معهم كانت على النحو التالي:
-فاديا شو هل الجزادين بطيروا العقل، أحلى من الصورة و كتير جيدين. حرام حطيتي سعرهم رخيص هدول بيستاهلوا اكتر من هيك سعر.
-فاديا شو هل البلوزات الكروشيه عندك بجننو، شفت متلهم بإيطاليا و سعرهم ٣ أضعاف.. ياريت توصيلي ع وحدة متل هل الجاكيت !
-فاديا أغراض سورية كتير عالية الجودة ما كنت متوقعه هيك و بهل السعر كمان.. لازم تعلّي السعر مشان الناس تفهم انو الشغل منيح..

جوابي كان كالتالي:
عزيزتي! انا لا أسعى الى الربح.. بس تروق حال البلد اكيد بتظبط الليرة السورية و بيجي الربح لحالو ..
سعر الأغراض يتضمن حق الشغل الذي تطلبه السيدة المنتجه مضاف اليه سعر الشحن و سعر تحويل المال الى سوريا و مضاف اليه ٢٥٪ ضريبة للدولة السويدية حسب قانون الشركات هون..
مشان هيك الأغراض عالية الجودة كما هي المنتجات السورية و لأنني انتقي السيدات التي أتعامل معهن خوفا على سمعة سوريا. لتكن منتجاتهن صورة حلوة عن سوريا..

بعد هل المسجات و بعد هل الجواب صفنت وقلت لحالي: الحمدالله انو شغلي و زبائن شركتي ٩٩٪ سويديين و بيفهموا بالجودة و الأسعار