د. الشاعر شحود زيدان

من أحب القصائد على قلبي :

"يا حيف يا عرب"

ما صدقنا نسينا غدر الماضي و الّي غدروا فينا

ماتت الصداقة و الأخوّة و ع نار الخيانة وعينا

كان الصديق وقت الضيق و كان ياما كان

الجار يحب و يساعد جاره و كأنهن إخوان

كلمة الحق تخرج من التم بدون لف و دوران

الكَرَم و الشهامة زينة الإنسان و اللسان ميزان

الطيب و النخوة يسكنوا بيوت أهالي و جيران

صارت الفضيلة رذيلة و الله يرحم أيام زمان

رحل البلبل و الكنار و ضل البوم و الغربان

كل شي تحوّل و المال سوّى الناس عميان

صار الضمير ينشرى و ينباع بأرخص الأثمان

سألنا وين الوفا رد الصدا ما في حدا سمعان

الناس صاروا دياب و الشاطر بياكل الجوعان

ضاعت الذمة و عمّت النقمة و زاد الحرمان

اليوم ماتت العروبة و انباعت بفلس الأوطان

انهار البشر و الحجر و تهجر من بقي عريان

ساد الدمار و الخراب و سوريا صارت دُخان

ارحموا بقى هالدراويش العايشة ورا الحيطان

قولوا في شي اسمه وطن اصحوا يا عُربان

هَدِه سوريا الكرامة و الإباء مو إسرائيل يا خوتان.
15/11/2013

بقلم الدكتور شحود إيليا زيدان