مقطع من مسرحية (بيترا) للسيدة فيروز
بيترا : نيبال شو الأخبار
نيبال : رجعوا الخيالي اليوم من السفر
رجعوا وجابولي عن العسكر خبر
بيترا : هات خبرني
نيبال : الخيل عم تسحب وراها الويل
وبرق خاطف من سنابك خيل
وفرسان من هالميل
وفرسان من هالميل..
جرّحوا الليل وجرّحوا بعضن
واختلط دمّن بدمّ الليل
وانحصرت وجوهن بوشّ الليل..
بيترا : ورجالنا..!!؟
نيبال : قتلى عم يعضّوا التراب
كانوا شباب..
مبارح أنا ودّعتن
كانوا شباب..
عم يرقصوا ويهيّصو
كيف بدارنا الناس بيخلصوا ..!!
بيترا : هيدي الحرب
نيبال : هنّي كتار وجيشهن زايد عددْ
بيترا: هنّي كتار يكونوا والوعد انوعد ..
نيبال كون المجد بتكون العدد..!!
نيبال : برجع كأني طفل
بحلم وأتمنى..
يصير هلأ متل ما كنّا
وليدات نلعب ونعمل حرب
نربح وما ينقص حدا منّا
بيترا : ياريت ... ياريت
ياريت فيّي صرّخ بوش الكبار
قلهن حاج يلعبوا فينا
أحرار بدنا نضلّ أحرار
ولابد ما شي نهار
توصل مراكبنا للمينا..!؟
نيبال : يامولاتي
الأرض الّي أنتي منها
شمس وريح وشعب يقاتل عنها
والكرامة منها
والحضارة منها
مهما تصرّخ روما
وتغلي وتعصف روما
مش رح تقدر تقطف
وردة منها...!!؟
بيترا : نيبال شو الأخبار
نيبال : رجعوا الخيالي اليوم من السفر
رجعوا وجابولي عن العسكر خبر
بيترا : هات خبرني
نيبال : الخيل عم تسحب وراها الويل
وبرق خاطف من سنابك خيل
وفرسان من هالميل
وفرسان من هالميل..
جرّحوا الليل وجرّحوا بعضن
واختلط دمّن بدمّ الليل
وانحصرت وجوهن بوشّ الليل..
بيترا : ورجالنا..!!؟
نيبال : قتلى عم يعضّوا التراب
كانوا شباب..
مبارح أنا ودّعتن
كانوا شباب..
عم يرقصوا ويهيّصو
كيف بدارنا الناس بيخلصوا ..!!
بيترا : هيدي الحرب
نيبال : هنّي كتار وجيشهن زايد عددْ
بيترا: هنّي كتار يكونوا والوعد انوعد ..
نيبال كون المجد بتكون العدد..!!
نيبال : برجع كأني طفل
بحلم وأتمنى..
يصير هلأ متل ما كنّا
وليدات نلعب ونعمل حرب
نربح وما ينقص حدا منّا
بيترا : ياريت ... ياريت
ياريت فيّي صرّخ بوش الكبار
قلهن حاج يلعبوا فينا
أحرار بدنا نضلّ أحرار
ولابد ما شي نهار
توصل مراكبنا للمينا..!؟
نيبال : يامولاتي
الأرض الّي أنتي منها
شمس وريح وشعب يقاتل عنها
والكرامة منها
والحضارة منها
مهما تصرّخ روما
وتغلي وتعصف روما
مش رح تقدر تقطف
وردة منها...!!؟
تعليق