كلما مـْ نـِتـْودَّعْ
كلما حبيبي هيكْ نـِتـْودّعْ
متلِ الـْ كأنـّو الرّوحْ ..
.. عمْ تـِطلـَعْ
عـَ البابْ وقتِ بـْ وقـِّفـَكْ
متلِ الـْ كأني وقتها ..
.. عم أعرفكْ
شو بـْحبْ وقتا عـَ النـّجمْ ..
.. لو إخطفـَكْ
أو آخدّكْ عـَ كوانْ من بعدِ المدى
ما يكونْ فيهاُ وْ لا حدا
وْ لو كان فيها شي حدا
لازمْ ما عمرو يـْشاهـْدّكْ ..
.. أو يعرفـَكْ
ممنوعْ لو فيها حدا
يـْشوفـَكْ إنتْ ..
.. وعليكْ يتـْطلـَّعْ
وقتِ الـْ أنا بـْشوفـَكْ إنتْ
شو بـِزعلِ يـْمرِّ الوقتْ
وقتِ الـْ أنا بـْكونُ وْ إنتْ
ونـْصيرْ نحكي عـَ السـَّكتْ
بـِغرقْ أنا بـْجوِّ الهني
بنسى أنا كلِّ الدِّني
بسكرْ على ريحةْ عطرْ
بـْسافرْ على جـْناحِ الشـَّعرْ
بـِسبـَحْ انا بـْ بحرينْ عينينِ السحرْ
عينـَكْ متلْ ..
.. كونِ نـْ فتـَحْ
ومـْ لوَّنـِهْ بـْ ألوان من بهجهُ وْ فرحْ
بـِ تـْلوِّنِ قـْواسِ القزحْ
وبـْ تـِنـْصبِ قـْواسِ القزحْ
بـِ غـْطسْ بـِ بحرينْ الضـِّيا واللـّونْ
والبحرْ أوسعْ من مدى ..
.. هـَ الكونْ
ميـّاتْ بحركْ صافيـِهْ
مـْواجو طريـِّهُ وْ هاديـِهْ
ما عرفتْ سرِّ لـْوانها
وْ لا عرفتْ فسـِّرْ شانـْها
مرّاتْ بـِ تـْخبـّي الضـِّيا
وْ مرَّاتْ عمْ تـُعكسْ ضياُ وْ تلمعْ
صبرَكْ حبيبيُ وْ عـَ الهـَدا إسمعْ
وقتِ الـْ بـِصيرِ الوقتْ ..
.. نـِ تـْودَّعْ
لا كتيرْ فيـِّي إنتْ ..
.. تـِ تـْطلـَّعْ
قدِّيشْ وقتا كتيرْ رَحْ إفزعْ
ترحلْ بعدها تـْروحْ ما تـِرجعْ
أيـّا لـِقا بـْ حسـّو أنا أوَّلْ لـِقا
أيـّا لـِقا بـْ حسـّو أنا آخرْ لـِقا
بـِ فزعْ حبيبي وقتْ نـِ تـْودَّعْ
عـَ وعدْ بعدو تـْصيرْ تـِتـْمنـّعْ
إنـْطرْ وتـِطولْ نطرتي
وْ إغفا عـَ جمرِ مـْخدَِّتي
وْ عـَ وعدْ تاني صيرْ إتـْلوَّعْ
يا ريتْ وقتِ نـْصيرْ نـِ تـْودَّعْ
نقضي العمرْ عـَ البابْ نـِ تـْودَّعْ
وْ لا قلبْ يحزنْ أو إدِنْ تـِسمعْ
تعليق