ممنوعْ نحنا نـْموتْ
خلـّي الحكي مـْعتـَّمْ عليهِ سـْكوتْ
خلـِّي النـَّفـَسْ ..
.. جوّا الصـِّدرْ مكبوتْ
خلـِّي النـَّبضْ ..
.. جوَّا القلبْ مهزومْ
والحبْ ..
.. عـَ بـْواب الحقيقه يـْموتْ
ما عادْ عم يـُ نـْطقْ حكينا لـْسانْ
الأنفاس مكبوتـِهْ بـْصدرْ تعبانْ
والقلبْ ...!!
يا دلـّي على هاكِ القلبْ
تايـِهْ مـَ هوْ عرفانْ ..
.. شرقو مـْنِ الغربْ
ضـَوِّ الحقيقه عـَتـَّمو ..
.. وهمِ الكذبْ
وْ إنسانْ ..
.. قبلـَكْ ما عرفْ إنسانْ
صرلو عمرْ ..
.. يسألْ عنِ الوجدانْ
وْ بعدِ اللـّي صارُ وْ كانْ
كنـُّو الـْ جرى ما كانْ
رْجعناُ تـَ يرسمْ دربنا النـّسيانْ
رْجعناُ وْ حادينا الظـَّما
لـْقينا نـْبوعـِةْ مـَيْ ..
.. شو ما أكرما
مـْلينا تـَ نشربْ والدَّلو مفخوتْ
يا لوعـِةِ الماضي بـْقهرْ بـُكرهْ
يا سنينْ ..
.. ضايعْ عمرها بـْعمرا
يا نارْ مـِطفيـِّهْ بـْقلبْ جمرهْ
يا مروجْ مـِخفيـِّهْ بـْرملْ صحرا
يا عيونْ عم تروي أسى الذكرى
يا جورْ يقسىُ وْ يـِخنقِ الفكرهْ
يا رْواحْ صبرتْ ..
.. تا نـْ قتلْ صبرا
يا دموعْ جمـَّرْ جفنها
وعيونْ عم تقبرْ دمعْ
وْ ريفِ الجفنْ تابوتْ
ممنوعْ أنفاسِ الحقيقه تـْموتْ
ممنوعْ نقتلْ حبنا ..
.. تـَ نـْموتْ
ممنوعْ نحنا نـْموتْ
= عباس سليمان علي =
تعليق