من : ياسمين الشام إلى : أبو إيهاب أهلاً بعودتك إلينا نرجوا أن يكون الغياب خير بهديك هالأغنية بس ماتعود تغيب عنا
طل الصباح و تكتك العصفور
سهرنا و طولنا بنومتنا
شوفي الشفق فرق علينا النور
و الشمس منشورة عا خيمتنا
و الكون غاشي و الفلك مسحور
من سقسقة ميات نبعتنا
يا اختي اسبقيني و ولفي المعدور
حتى نكفي نكاش بورتنا
ليكي الجدايا هدهدوا المعبور
و خربوا مطاعيم كرمتنا
عيطيلك صوت لها الناطور
عنزة أبو طنوس خربتنا
ضهري يا خيي من التعب مكسور
و نقطة موي ما في بجرتنا
و بدي الحماية تزق عا التنور
و انده بدربي بنت جارتنا
تا ترق معنا الخبز يا منصور
راحت عياري كل خبزتنا
بشغلنا بايت علينا كسور
وحمضت بتكون عجنتنا
يا اختي عفاك روجي يا بدور
و لك راح النهار و الشمس غدرتنا
و مرشقيلك غمر لها القرقور
نحنا انسبقا يا اخطيتنا
و ان ما قدرتي تبعتي الفطور
ودي لطيفة بنت خالتنا
قديش يا اختي بعيشتي مقهور
غير شكل عن شبان ضيعتنا
بألف خير و عايشين بسرور
و مغمسة بها الدم لقمتنا
بتزعل كخيي سماع مني صبور
شو منعمل إذا هيك حالتنا
عرزالنا بيسوا تمان قصور
مناخو حلو من سنديانتنا
سلعات معزي معمشقة عا صخور
و منجيرة الراعي و عنزتنا
و مغارة جعيتا و أرزنا المشهور
و مغارة جعيتا و شعب سورية المشهور
بيسوا الدني من عيشتك زعلان
غلطان غلطان غلطان
حلوة كتير عيشتنا
[quote=كمنجاتي;62417] أووووووووه ماذا فعلتِ بي ياسمين؟ و كأنكِ تترجمين عني.. كلمات كثيرة من اللهجة الشامية لمْ أفهمها و لكنني اتفاعلُ معها كثيراً.. سيدي الراقي كمنجاتي بتشرف بتلبية طلبك مع أني كمان منها كلمات ما كتير بعرفها بس هي مشانك رح أتصل بأمي وصبح عليها وأسألها لأن معظم هي الكلمات من الجيل القديم وما كتير منعرفها بس سبحان الله منحس فيها ومنلاقيها حلوة
-نكاش بورتنا يعني حفر الأرض البور الغير محفورة -الجدايا ، الجدي أبن الماعز وجدايا جمع جدي -مطاعيم ، جمع طعم وطعم يعني غصن بيقوم بتلقيح الشجر من نوع تاني -الحماية ، يعني أم زوجته -حماته -ترق ، يعني تفرش العجين على شكل رغيف -عياري ، تحديد كمية -روجي ،يعني تتزيني -مرشقيلك غمر لا هالقرقور،يعني لملميلك يعني جمعي شوية عشب للخروف -عرزالنا ،أرض ديارنا -معمشقة ،معربشي على الحيط -منجيرة ،ألة موسيقية بيعزف عليها الراعي
و إن كان ما فيه ثقل ..أحب المقطع الاول : لو تتكرمي أختي الغالية : ياورد كيف تم الوصال احرمتني **أديش عا دروب الهوى مرمرتني موتتني تا اسمحتلي أأقطف قمر من بعد ما مديت إيدي اجرحتيني. يا ختي نجوم الليل شوفيها *****سبحان خالقها و باريها.
لو تتكرمي ياسمينتنا الغالية. تكرم عينك سيد كمنجاتي على راسي تقبلي شكري المسبق و تحياتي الخالصة. ولك ودي ووردي وصباحاتي وياريت دائماً تسأل عن أي شي بيهمك وتأكد بكون مسرورة لما بقدملك خدمة شكراً لاهتمامك وكمان بهديك اغنية وديع وأنا بحبها كتير :
رح حلفك بالغصن يا عصفور
بالورق بالفي بالنبعات
بالزيّح جناحك بريشة نور
بالمرجحك مع زرقة النسمات
إطير يا عصفور .. عكوخ منه الزال
غويات سقفه زهور
مفروش بالعنبرحب الندي الأخضر
دنيّا ظلال ظلالدنيّا ظلال ظلال
تقشع عريشة وباب بفيتا مزوق
وحلوة بإيدا كتاب سلم على الحلوة
وإن هديت رياحك بتمرن جناحك
عالسطح عالحيطان
وإن كان مافي شي من حبنا باقي
بتسكت الساقي يا طير وبتمشي
وبتغط احملني ..
يا من هاك التلة
يا من هداك الغالي شي ذكر شي قشه
ومن خرطشة ديها
من تحت إجريها
شي نقطتين تراب.. شي نقطتين تراب
[quote=أيمن الاسعد;62447]يسعد الى صباحك ست الكل ست ياسمين مفردات جميله وتعابير اجمل من لهجتكم المحليه
[/quo
لعيونك سيد أيمن وهي أغنية هدية
ناطرك سهران بضو القمر
بتذكر البسمات و ليالي السهر
لا القلب قادر يحتمل هم النوى
و لا العين فيها بعد تتحمل سهر
قللي القمر شوباك
ناطر على الشباك
و مسهر النجمات
عم تكرج الدمعات
بيكفي يا عاشق لوعت قلبي دمعة عيون الزهر
و انبح الوتر
ناطرك سهران بضو القمر
و الغيم بالعالي
تأثر لحالي
و سمعت النجمات
من هالقلب آهات
آهاااااات
حن القمر بين الغيوم الشاردة
مع دمع عيني كرجت دموع القمر
ناطرك سهران بضو القمر
شرف كبير لكل ياسمين العالم أنه يكون صاحب ذوق متل ذوقك وهي هدية مني للمسا وللصبح
اغنية عالبال ياعصفورة النهرين
عالبال يا عصفورة النهرين يا ملوني يا مكحلي العينين
صارلي عهالمفرق تلات إيام
و ما كنت إستهدي عابيتك وين يا عصفورة النهرين
صارلي تلات إيام و ماكنت أعرف نام
حفرت خيال الشمس عالمفرق و رف الحساسين اللي إجا تفرق
و ما كنت إستهدي عابيتك وين يا عصفورة النهرين
لا بحارة الفوقا و بحارة التحتا و لا عالعين
تخمين بيتك صار ريف العين يا عصفورة النهرين ******************************* طوينا كتاب الحب ونسينا البكي
وما بقينا نقول آه ونشتكي
كنا انتهينا لا علينا ولا لنا
انشالله انتهيتي ولا عليكي ولا لكي
لمين بدي بعد احكي واشتكي
راحت الشكوى سدى وضاع الحكي
شكيتك لله وللعباد وللهوى
ما بقى الا اشتكي عليكي لكي
ما ضل عاشق من صدودك ما شكي
وقلبك محجر ما يلين لمشتكي
عا سلامتو ياللي شمط قلبك وراح
تا يعلمك يا ظالمة كيف البكي
طوينا كتاب الحب وانسينا البكي
وما بقينا نقول آه ونشتكي
قاعد لحالي راجع حسابي ع سراج صار مخلّص من الزيت مين عم بيدق ع بابي سألت حالي قبل ما رديت وصرت استعرض صور اصحاب مـــرقوا على عيوني بزمان الحب ومن غير وعي صفيت جنب الباب تا افتحو وما كان عندي قلب والباب عم بيدق ... والقلب عم بيدق ابد عم ترجف بلا أسباب نص شقة بابنا شقيت اندق باب البيت عالسكيت .. وجمدت لما شفت وجه الضيف والحكي تخرس على لساني ما كان ضيفي خصم حامل سيف ولا بيننا في تار انساني كان محبوبي الحبيب ال باعني وحب الغريب كلمة جفا فلتت من لساني لوين راجع بعد ما فلّيت ورغرغو عيونه بدمعات الندم قال سامحني ما عاد تصدم قلب أكثر ما انصدم معليش صالحني عمري على غيابك جحيم وعدم من النار ريحني جيت غسّل ايديك بدموع الندم دفعت الثمن عالبعد وتربيت ... قلب الحبيب مهما قسي بيضل يتذكر ليالي حبيبه الماضية نظرة عتب لا أكثر ولا أقل بترجع قلوب الحبايب راضية
تعليق