تويت
بـْ تتـْذكـَّري
بـْ تتـْذكـَّري ..
يومِ اللـّي كنـّا فوقْ عـَ التـَّلـِّهْ ..
وْ قرَّبْ نهارِ الشمسْ عـَ الـْفـَلـِّهْ
وقتِ الشمسْ غطـْسـِتْ بـِ مـَيـَّاتِ البحرْ ..
وْ إنتي شمسْ حدّي بـْ تتـْجلـِّي ..!!
يـْ تتـْذكـَّري ..
إيدي بـْ إيدِكْ والقلبْ دفيانْ
وْ كلِّ الهنا والسـّعدْ عنـّا كانْ
كانتْ فرحتي واسعه وسـْعِ المدى
ما كان متلي وقتها أيـّا حدا
و عيونـِكِ تـْشعِّ السـِّحرْ واللـّونْ
بحرينْ سحرِ جـْفونـْهـُنْ شطآنْ
وخـْدودِكِ تـْنوِّرْ بدرْ
والله أحلى منِ البدرْ ..
.. خدِّكْ يا عمري نوَّرْ الهـّلـِّهْ
بـْ تتـّْذكـَّري
الـْفـَيـّاتْ بـِ غـْصانِ الشجرْ
وْ صورةْ نقا لـِ غـْروبْ تـِعكسـْلـِكْ صـُوَرْ
والبحرْ بـَحِّ الصـّوتْ يـِنـْدهـْلـِكْ تعي
جـَنـّو تـْنيناتـُنْ تـَ صاروْ بـْلا وعي
بـَدهـُنْ تـِحضـْنيهـُنْ بـِسحرِكْ والـْحلا
و بـْيعرفو إنتي السحرْ ..
.. بالـْمـُختصرْ
ما صدّقو عـْليهـُنْ رحِ تـْطلـّي
يا ريت فينا نـْعيدْ مشوارِ السـّعدْ
فوقِ التـِّلالِ الـْغافـْيهْ بـْ حضـْنِ الـْجردْ
وْ نقعـُدْ بـِ أحضانِ الشجرْ ..
.. بـِ الـْفـَيْ
وْ إتـْغزَّلِ بـْسحرِ الـْ مافي لو زَيْ
إنتي الـْ عطيتي للطـّبيعهْ سحرها
لـَ خضرةِ الـْ أغصانْ لـَ خـْدودِ الوردْ
وْ كلما عـْطيتي مـْنِ الـْحلا ..
بـْ تـِحليُ وْ تتـْحلـِّي
نبعِ السـِّحرْ ..
.. مهما عـَطا منـُّو سحرْ
بـْ يبقى غنيُ وْ ما بـْ تـِنـْقصِ الـْغـَلـِّهْ
تعليق