تويت
هاللي يوقف قدام الفرقة ويحرك العصا فوق تحت ويمين يسار وينفعل ويعيش الدور،،، ليش موجود أصلاً؟
تذكرت حلقة توم وجيري يوم يتهاوشون و اهم يقودون الفرقة ونشوفهم أثناء النجرة يحاولون يحركون العصا على طول، ويوم يتنرفز واحد منهم ويحرك العصا بسرعة الفرقة كلها تعزف معاه بنفس الطريقة. طلع هالشغلات صج تلعب دور.
أثاري القائد له معنى ووجوده مهم للمجموعة، يعني مو حاطينه زينة جدام العالم
. معظم شغله يكون أثناء التدريب عشان يضبّط شغل الفرقة كلها ويدرّبهم على مستوى السرعة والدور ودرجة الصوت والإيقاع ، بعدين وقت العرض يكون شغله أكثر شي إشرافي ورابط بين مجاميع الأدوات الموسيقية المختلفة لضبط التوقيت. يمكن أحسن تشبيه لدور قائد الأوركسترا هو المخرج في الأفلام اللي يختار المشاهد وترتيبها ودور كل ممثل والتناسق العام للمشاهد وترتيبها في الفيلم النهائي .إذا كان العازف شخص واحد تصير السالفة سهلة هو ينسّق عزفه بروحه بس يوم يصير مجموعة كبيرة تصير مشكلة، أيام أول كان العزف أكثر شي انفرادي بس بعد التطور (خاصة بعد زمن بيتهوفن) صاروا يقعدون فرق كبيرة وقاموا يعتمدون على عازف أساسي بينهم وغالباً كانوا يختارون عازف الكمان عشان يطالعون حركة عصايته أثناء العزف لغرض التنسيق بين الجميع. بعدين قالوا لازمنا واحد متفرغ يركز على هالشغلة ، عاد بدوا بهالشغلة خلال القرن السابع عشر مع العصا، شافوا العصا أوضح وأسهل من استخدام الايادي أو حتى كانوا قبلها يستخدمون أوراق ملفوفة ويحركونها.
كلما يزيد عدد العازفين وأنواع أدواتهم كلما يصير شغل القائد أصعب، وإذا كانوا يعزفون بحفل أوبرا يكون هذا أصعب شي، القائد لازم ينسق مع الفرقة والمغني والمسرحية بعد.
إي، حركاتهم بالهوا مثل لغة إشارة يفهمونها أعضاء الفرقة، في شرح مفصل بالمصادر لبعض الحركات العامة المشهورة .
منقول
تعليق