يا صاحب يا فهمان
كتير حلو الايمان
ربك ما بيبعت مكدوس
بيبعت بيتنجان
كتير حلو الايمان

هيدا العالم كبير
مركب ع التعتير
لاتبظ ولاد كتير
يا صاحي يا فهمان
كتير حلو الايمان

بو صالح جاري بحبو
بس جاي ع بالي سبو
عندو تلاتعشر دبو
كل واحد قد الفان
كتير حلو الايمان

بيقوم الساعة ستة
و يا مرا ردي المتة
قالولو الشغل معطل
و الاجرة رح تتأجل
كتير حلو الايمان

وردي البرغل يا ستي
حطيلو بصل و كتي
و مافي خواشيق تكفي
اي دقو ع الجيران
كتير حلو الايمان

ايمانك على راسي
و ناسك هني ناسي
بس كتيرة المآسي
من فهمك الغلطان
كتير حلو الايمان

يا صاحب يا فهمان
كتير حلو الايمان
بس ربك ما بيبعت مكدوس
بيبعت بيتجان

كتير حلو الايمان


محمد عبدالله الأحمد