محتــــــــــــــــــــــاجــــــــاك
سمّى
عليه وضمنى واحمينى منّى
وارسمنى ضحكه ف دنيتك على اد سنّى
واحسبنى بنتك ف الهوى وابقالى ابنّى..
علمنى احبك وابتدى ف طريق هواك
محتــــــــــــــــــــــاجــــــــاك
ياللّى قلبى ف عز فجره احتواك
ياللّى بدرى ف يوم نهايته ابتداك
لمّا حلمى بيتولد فوق جبينك
تكبر الاحلام معاك
والقي نفسى ف عز نورها
محتــــــــــــــــــــــاجــــــــاك
نفسى
لو من حقى احلم؛
القى حلمى ينام ف... كفك
يبتدى... برعم وليد
احلم انى
بتولد جوّه حلمك ؛
وابقى طفله من جديد
والقى قلبى بيترسم ويّا قلبك
فوق جبين الدنيا عيد
لجلك انت تكون سعيد
واوحشك لحظة لقاك
وتبقى نفسى ف عز نورها
محتــــــــــــــــــــــاجــــــــاك
لما اصدق ان قلبك اد حلمى ....
ان طيفك ليه نور
والقى احلامى بتاخدك
فوق جبين الدنيا ونعدى الجسور
واعبر الاحلام واشوفك كل نجمه تضمّها ليّه السطور
بالقى حلمى بين رموشك ورده ترويها بنداك
وتبقى نفسى ف عز نورها
محتــــــــــــــــــــــاجــــــــاك
شعر/ هبــــــــــه عبـــــــد الــوهــــــاب
سمّى
عليه وضمنى واحمينى منّى
وارسمنى ضحكه ف دنيتك على اد سنّى
واحسبنى بنتك ف الهوى وابقالى ابنّى..
علمنى احبك وابتدى ف طريق هواك
محتــــــــــــــــــــــاجــــــــاك
ياللّى قلبى ف عز فجره احتواك
ياللّى بدرى ف يوم نهايته ابتداك
لمّا حلمى بيتولد فوق جبينك
تكبر الاحلام معاك
والقي نفسى ف عز نورها
محتــــــــــــــــــــــاجــــــــاك
نفسى
لو من حقى احلم؛
القى حلمى ينام ف... كفك
يبتدى... برعم وليد
احلم انى
بتولد جوّه حلمك ؛
وابقى طفله من جديد
والقى قلبى بيترسم ويّا قلبك
فوق جبين الدنيا عيد
لجلك انت تكون سعيد
واوحشك لحظة لقاك
وتبقى نفسى ف عز نورها
محتــــــــــــــــــــــاجــــــــاك
لما اصدق ان قلبك اد حلمى ....
ان طيفك ليه نور
والقى احلامى بتاخدك
فوق جبين الدنيا ونعدى الجسور
واعبر الاحلام واشوفك كل نجمه تضمّها ليّه السطور
بالقى حلمى بين رموشك ورده ترويها بنداك
وتبقى نفسى ف عز نورها
محتــــــــــــــــــــــاجــــــــاك
شعر/ هبــــــــــه عبـــــــد الــوهــــــاب
تعليق