Tweet
ماوحشتكيش !!؟
ماوحشتكيش !؟
ياظلم قلبك..
على اللى حبك
وداب فى حبك
ولا همكيش!!
وماحنتيش!!؟
لكلمه حلوه!!
قلناها مره!!
والناس جميعا
فى صوره واحده
وانا وانتى بس
خارج الاطار
عيونا تحكى
وكلام مافيش
فاكره كلامى ؟
فاكره الغناوى؟
فاكره كلامك؟
(تعالى نحب ونسلم بامر الحب)
انا جيتك...
وليه ماجيتيش!؟
وماحستيش ازاى
بتنهيدى!!؟
وماحستيش ازاى
بنبض ايدى!؟
ولا شفتى كلام العشق فى عنيا
ولا عشتى معايا الحلم م الاول!!
بخاف عليكى من الهوى الفايت
يابنت قلبى
وشيفانى فوق المشنقه واقف!
وبيسندوا فيا...!
ولاااخفتيش!!!
وعايزانى اغنيلك عظيمه يآ...
يابنت الايه يانسيانى وناسيه غناويا
ياطاحنانى وقاتلانى بلا ديه!!
ياكاسرانى وشايفانى...
بموت منك بموت فيكى ...
بموت فيا...
ومش عايزه تجبريلى الكسر!!
وعايزانى ...
على طول انسى ..
وانسى...وانسى...وانسى
وبس اسمِّعلك...
نشيد النصر!!
وعايزانى اغنيلك عظيمه يآ...
ياقادره!!!
وبتقولى ...
لاانا عايزاك ولا قادره على بعدك!!
ياعاشقانى..
وكارهانى اجى يمك!
ادوق فمك..
احضنك حتى ولو مره!
وامسح دموعى
من على خدودك!
ياوحشآانى من اول الحكايات
لحد الموت على موتى
وكانك راضيه بسكوتى!!
وانتى جوايه ومسافره
ماوحشتكيش!!؟
وعايزانى اغنيلك عظيمه يآ...
ياكافره باحزانى واحلامى واوجاعى..
بلا داعى...
غشووكى فتغشيتى ياغبيه...
كدبوا وصدقوا الكدبه!!
وصدقتى..
عبيط انا واهبل وبرياله!!
ياسجَّانه
وسجنانى !!
يا بايعانى ..ووحشانى !
ياظلم قلبك ..
على اللى حبك ..
وداب فى حبك
ولا همكيش !!
بقولك ايه ...
ما وحشتكيش !؟؟؟
Comment