Tweet
شيء من الغضب
عبد الرحمن الأبنودي
"غُنت بصوت نجاح سلام فى نهاية فيلم عمر المختار ( أسد الصحراء)
دقيت من باب الأمل والصبر
ما جاوبني غير الصدى
مات الزمان ..
والأرض أصبحت قبر
وتطل عيني على المدى :
إيه أكتر من ده دم؟
إيه أكتر من ده هم؟
يا .. أمة العرب
حنموت إذا مات الغضب
.................
أحزان تقال
تزلزل الجبال
وتصبغ الرمال
وتشيب الأطفال
اترملوا الأرامل
واتيتموا اليتامى
دم الشهيد اللي اتنسى
حرام والا حلال
يا أمة العرب :
هل متيّ ؟
هل هنتيّ?
أرض العرب بتغتصب
وبتغتصب
فين العروبة والرجولة
والرجال؟
فين الخطاوي
اللي حتعبر المحال
وتجاوب السؤال؟
يا أمة العرب
شيء من الغضب
Comment