عم طلع شوفي ببرادي
و عم طلع بي وجه ولادي
كنو شكلو الدرج فاضي
أو كنو شكلي عم وش
يا برادي ليش فاضي
كنك عني مانك راضي
رح بيّع شغلة من غراضي
مشان تفتح بابك و تحش
وقفت بسوق الحرمية
جبت طقمي و بعتو بمية
أخدت المية و النية
لولادي اعمل باطرش
البيتنجان شكلو منيح
وقلك بالعربي الفصيح
قلبي مل من الدبيح
و حتى الكبسة بتعمل كرش
قلتلو السلام عليكم
رد بمنخارو و عليكم
و رب العزة ما يوريكم
و عندو صبي عم بيرش
رش خيي دخلك رش
بلكي ها الخضرة بتفش
مليانة بأوكسيد الغش
شايفها و ماني عم وش
قلتلو عفواً يا أخ
كنو ابنك تحتو شخ
ريحة أمونيا أو بخ
قلعني و قلي عم وش
شو بدي اعمل يا سيدي
ما برضا يجوعو مو بايدي
و جيبي مفلس ع الحديدة
و الفكرة أعمل باطرش
في واحد فاتح حمصاني
قالولي عنو إنساني
عندو مخلل بالقناني
ومن فوري رحتلو مارش
وصلت وعم يقلي فلافل
شكلو معصب بدو يقاتل
عفواً زيتك كنو مائل
لونو للأسود يا درش
ضربني بايد الكبجاي
وسبسب عا هديك الداي
وقللي ليش حضرتك جاي
لك إنتي واحد من هالطرش
طلعت حواليي شوي
تالاحظ شو قصد الخي
شفت مجمهر عندو خطي
متلي وجوه وكلا ولش
اعتذرت وقلتلو شوف
انتا بتضلك رؤوف
وعندي ولشة ومو معروف
يمكن تحملني بشي نعش
طلعت شوي ببرادي
و طلعت بي وجه ولادي
وطلع الدرج كلو فاضي
ياخيي إجاني الولش
مد إيدو عطاني كيس
ما عرفت شو بقلب الكيس
قلي لتفكر ....... حميس
انتا من حزب الباطرش
طلع الأخ من زمان
هوي وشي شلة إخوان
بيجيبو هالبيتنجان
وسلق وملح وطحن و هرش
رحت ع البيت فرحان
بطريقي شفت الفران
خدت منو ربطتان
نيالو قاعد ع العرش
وصلت ع بيتي مأخر
كأنو في شي تبخر
و الله ما عم اتمسخر
بعرف انو عندي ولش
كتبتلي ام الولاد
يلي كان اسما سعاد
قررت انقذ الولاد
لوحدك كول الباطرش
محمد
تعليق