تويت
الكلمة اذا كانت مفردة
2. في اللهجة اللاذقانية تمد الكلمة دائما ثلاث حركات مد لازم
3. في اللهجة الللاذقانية تشدد دائما الكلمات في اوسطها
4. في اللهجة اللاذقانية الافعال الضعيفة تضاف اليها كما ( نهنه ) في
مؤخرتها مثل ( اخدوهنه ) ( اتلوهنه ) ( دبحوهنه ) ( ابوهنه ) مع كسر الهاء
5. كافّة الكلمات التي تحوي حرف الألف تقلب إلى واو عريضة
الكلمات :
اهم كلمة في اللهجة اللاذقانيةهي كلمة عيّن ، حتى انو اللادقاني بينعرف من هالكلمة ،
لدرجة انو مرة كان صاحبي بإيطاليا طالع بعثة مع الجامعة ، فكان بدّو يسأل واحد عربي عن شغلة، فقللو: عيّن!!
فسألو الزلمة: إنت من اللادقية ما هيك؟
عيِّن = انظر
زتـّا = ارميها
اشْلفا = ارميها
ازْركو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقال أحياناً للشخص الغبي بغيابو
أبتول = غبي
كريم (تلفظ الكاف متل الجيم المصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّة جداّ ، لأنو يستعمل بدل أي فعل ، طبعاً و تشتقّ عنو الشايعة
و الشايع ولكن طبيعة هالفعل بتنقال في حالة الإشمئزاز من شي أو الالإنزعاج من شيء معيّن
مسكليتة = بسكليتة الدراجة
ريحة = بارفان
جاكيّة = جاكيت
باكيّة = باكيت
خفّافة = بوط رياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىىى = تقال في حالة الصدمة و غالباً من شي ما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشر حالو بكل شي
معلاء = بيتدخل بكل شي
اسْكمْبري = نوع من السمك = حجش
اشْكمو= اخذلوا
يبأبــِش = يلخْبــِص= يلعب بأصابعه
بالورب = بالمايل
عواءبك = شرف العيلة
آآآ ( مد لازم 12 حركة مع فتح الفاه ) = للتعجب و الإستفهام
اعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب )
ضبع = طنط
إيّاعااا = إيّا عزّةةة = شَحّاري= شحميطي = للتعجب الكتير
مكن = قوي
عكّيد = أبضاي
عَمْشة = وسخ الانف
سأرأ = علبة معدنية
دَرْبَكو = دَعْتـَرو = اوقعه ارضا
زنزوءة = مرجوحة
شئليبة = قلّيبة
مْأنشِح = وسخ
ألشين = جرابات
ألْشِت = زحطت
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت = مات
طـَشّة = أهبل
إيش ياه = شو ياه
مَكـَـنة (الكاف هون متل حرف الجيم بالمصري) = موتور
مشْنِص = نوع من الموتورات في عام ال 20
مشنص ( مصطلح ) = حظو حلو
دشّـو = تركو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة = نفاضة سواكير
بتـّو = بنتو
أخوّي = أخي
زاوة = زاوية
كبّينة = تواليت
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ما عليّ (مع تسكين الياء) = للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أو مربيش
فا = يوجد
إسّا = لسّا
يحمّك = دعوة بالشر و الحمة
فلوكا = مركب الصيد المتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعن اجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شو دخلك
أتـّورة = نـَتـّوسه = أتـّوسه = شوي صغيرة
فط = نط
خربر = مثقب وهو أداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عم تتطلع
مسأسئ = مليانة مي أو متشتش
شنتيانة = سيف طويل طري جدا للعلئة = مشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع
قرقوعة = مهرهرة
سيبو = تركو
شكودري = شاوي حجش
كل يوم تعا = يا ميت اهلا و سهلا بس لا بآ تعيدا
ولا خَي = يا أخي تقال تحبّباً أو إذا كنت آخد وش عالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنب و معناها = جننو
طيك العوفة = يعطيك العافية
لأ ولو (مع التشديد على الهمزة في الـ لأ) = للإندهاش الشديد
بسّة = قطة
مريّة = مراية
ليك, ليكو: عيّن- اطّلّع
فرتونة: مشكلة
سلبها عليه: مرق عليه كذبة أو تجليطة مكن!
ساكو:جاكيّه: جاكيت
مبقج: مكتئب أو مريض و ما عم يتحرك ولا عم يحكي
سحلبلو: جلط عليه تجليطة كبيرة أو عمل فيه حركة
عبطت: دخلت الأمور ببعضها
حويتري: معتر شغل حواري
فتة بلحمة: فتة مع خبز مقلي قاموس مطعم حارتنا)
أرطل: سلة القصب
فترينة: خزانة القزيز
نملية: خزانة المونة
دقماقة: مخباط الزيتون
سطلان: طبلون: ساتيلايت (انتشرت فترة بعدين اختفت)
اطمبيل: سيارة
أبو الدردر: أبو الدرداء جامع بالطابيات (الله يرحمك يا جدي)
برندا: فراندا: بلكون
لئو = لمسو
جبسة = البطيخ الأحمر (فقط باللادئية)
طبشة = كمية كبيرة
كرهبا = كهربا (أيام زمان هيك ينادولها)
فئسة = زر تشغيل الضو
فأاسة = ريموت كونترول (التلفزيون)
سئرء = أكبر من الكاسة وأصغر من السطل
كرعو = لحقو أو شربو بسرعة وتختلف حسب موقعها من الجملة وموقع قائلها باللادئية
.
الوضع : مصطلح يطلق على حبيبة شخص ما عندما يتحدث عنه شخص آخر .....فمثلاً يقال وينووووووو.... ؟؟؟ ما مبين هالأيام....
و يكون الجواب:
سيبو.... مع الوضع...!!!!!
.
.
.
.
الخلتة: مكان لقاء الشخص مع الوضع.....و هو مكان مهجور.....
أمثلة : خلتات العلوم و الآداب و التربية و التجارة بجامعة تشرين.....
.
.
.
.
ضرب : الفتاة فائقة الجمال....و قد يقال أيضاً شقفة.... لكنها ضعيفة لاستعمالها في حلب....
.
.
.
.
زرعو : بمعنى نجّر له خازوقاً.....
.
.
.
.
زرعو فجل: إذا كان الخازوق مدبباً و مسنوناً جيداً......
.
.
.
.
.
خالص كازو..... تطلق على الشخص الذي يتصرف كالمجنون....
.
.
.
.
نافض: تشبه ما قبلها و لكن يضاف لها معنى إنو ما سئلان عن شي.....
.
.
.
.
خورفوا : و هي كلمة دخيلة.... يستعملها الشباب بكثرة و لا تفهمها الصبايا و لا الختايرة.....انتشرت بعد انتشار لعبة الكاونتر....
و على هذا يقال....
طنبروا...و تفيد نفس المعنى السابق...
.
.
.
.
.
.
يا ويل تحت الليل.... كلمة للتلطيش..... و هي مستعملة بكثرة.....
.
.
.
.
شبّة : أداة يستعملها الحلاّقين لإيقاف نزف الدم عند حدوث جرح أثناء الحلاقة......
.
.
.
.
رايح قصّ : جواب لسؤال مفاده .... وين رايح .... و معناه : رايح لعند الحلاق.....
في نقطة بقواعد اللهجة اللادقانية ما انتبهنالها و هي أحياناً تخفيف حرف الصاد و تفخيم حرف الزين:
سبغة: صبغة
ساروخ: صاروخ
خظانة: خزانة
و في بعض الكلمات تجمع بالياء ما بالألف:
كلب جمعها كلاب و بتنلفظ: كليب
جمل جمعها جمال و بتنلفظ: جميل
حبل جمعها حبال و بتنلفظ: حبيل و على هادا و منو
طبعاً في أسماء كتيرة للقهاوي القديمة بينحكى فيها قصص و من أشهرها قهوة ازدهرت ثم بادت و هي قهوة "خبيني", و معروف إنها كانت قهوة مختصة بتخباية المطلوبين (اللي بيعرف غيرها يحكيلنا)
و بالأخير شرح عن معاني اسماء الحواري الأصلية تبعين اللادقية و منبتدي :
"طابيات" هي جمع "طابية" و بدون التشديد طبعاً و الطابية هي البرج أو المكان المرتفع و بمصر لسا بيقولوا عن حجر الشطرنج اللي منسميه "القلعة" بيسموه "الطابية".
"الشيخضاهر": واضحة من الأسم و بعتقد المقصود فيه هو "الشيخ ضاهر العمر" و كان والي على عكا و قاد ثورة بزماناتو..
و منعرف إنو كلمة "الصليبة" إجت من تصالب شوارعها.
وحارةالقلعة وقطبها الشهير الشيخ محمد المغربي رحمه الله لأنها كانت قلعة فعلا فتحا صلاح الدين رحمه الله .........
وبعد من لم يفهم بعض المصطلحات فيجب الخضوع لدورة برمجة لادئانية
وبالنسبة للهجة اللاذقانية معظم الألفاظ اللاذقيانية البحتة مقتبسة عن لغة أجدادنا الفينيقين وحتى اللاحقة (هني) التي تلفظ كثيراً في اللاذقاني كـ: ضربوهني - جيبوهني - إلخ مأخوذة عن ضمير الغائب في اللغة الفينيقية
وحتى معظم اللهجات العامية السورية هي مزيج بين اللغة العربية الفصحى واللغة الآرامية السريانية (للرجوع للمصدر كتاب السريانية-العربية الامتداد والجذور لسمير عبده)
