آه يا بلد
سامى النجار
يا بلد
يا ما نفسى أشوفك يا بلد
أسعد بلـــــــــــــــــــــــــــــد
و أشوف عيون الفجـــــــــر
لمـــــــــــــــا يتولــــــــــــــــد
ساعتها قلبى يتسعد يابلد
يا ما نفسى أشوف الضحكة
رايقـــــــــــة مجلــــجلــة
تملا الفضا بعض الفضا
فى الليالى المقبلــــــــة
و لا ألقـــى غير البسمة
فى وجـــــوه الصغــــار
و لا أسمع إلا الحكــمة
مــــــــــن فـــم الكبـــــار
و الكل قلبه على البلد
زى البنية والولــــــــــد
ساعتها قلبى يتسعد يا بلد
يا شمس هلى وافرشى
بيوت الغلابة الطـــــيبين
دفى الولاد وأم الولاد
والزرعة ووابور الطحين
لاجل الحصاد بيجى بميعاد
و يملا جرن الفلاحــــــــــين
وكونى بسمة وكونى هدمة
لكل المحتـــاجــــــــــــــــــين
وكونى وكونى لقـــــــــــــمة
تملا جوف الشقيــــــــانين
ساعتها قلبى يتسعد يا بلد
تعليق