إعـــــــلان

تقليص
لا يوجد إعلان حتى الآن.

هدهدة الطفولة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هدهدة الطفولة

    IMG]http://www.almooftah.com/vb/inattach/60_1279292122.jpg[/IMG]
    هيل الله هيل الله تنام
    تنسبق طير الحمام
    محلى النومة بسريرك
    بعد المغطس والحمام
    عطر الزنبق واليسمين
    وحب اللولو عالجبين
    وخدودك فضة ومرجان
    وزنزدك متل العجين
    لما تزقزق وتكاغي
    وتغرد لي وتناغي
    ساعة عمري بها الساعة
    ونيالو ياللي صاغي
    على الله طفلي يا صغير
    تربى وتتعلم وتصير
    جندي نافع لوطانك
    وتعطي بلادك خير كتير
    نام ونييم هاللعبة
    شو حلوة معها الصحبة
    ولا تقلق عالبسكوتات
    لسه مليانه العلبة
    وما يهمك بكرة عالعيد
    تيجبلك بابا اللي بتريد
    شوكلاته وكعك وبنبون
    وبالونات وكل شي جديد
    وشوف القطة شو بتغار
    بتنوي على باب الدار
    ما عندها متلك شغلات
    من غيرتها عقلا طار
    تنط وتركض وتنوي
    والشوشو خلفا يعوي
    والوزة نفشت ريشا
    وبالبركة صوتا يدوي
    حتى الجاجة والبطة
    ينطو النطة بالنطة
    يقاقوا كلون غيرانين
    ما عندن إلا الحنطة
    وزقزق من بره العصفور
    متلن غيران ومقهور
    يرف وينقر عالشباك
    يشوفك من خلف البللور
    والأرنب شنك دانو
    وعض الشفة بسنانو
    يقفز قفز من الغيرة
    حتى قصرت سيقانو
    يغاروا يصطفلوا يغاروا
    بتسبقهم مهما صاروا
    أنت أحلاهن كلن
    سبحان الله بأسرارو
    سبحان الله شو بحبك
    يللي قلبي من قلبك
    يللي قطعة من روحي
    صاغا وكونها ربك
    يا أحلى قطعة مني
    عن قربك ما بستغني
    ما معقولة أبقى صاغ
    والقطعة بعيدة عني
    هذه القصيدة العذبة للشاعرة فاطمة حداد
    قيمة المرء ما يحسنه

  • #2
    رد: هدهدة الطفولة

    يا ريت أقدر أحفظها مشان غنيها لأبني وقت النوم لأني حبيتها عن جد
    شكرا يا أبو الزين على الانتقاء الممتاز

    تعليق


    • #3
      رد: هدهدة الطفولة

      فعلا شي حلو كتير اتعودنا على يللا تنام و على ريما بس اللي قدمتلنا ياه شي كتير جديد ...تسلم ايدك و ايد الكاتبة..
      من جد تستحق التلحين...

      تعليق

      يعمل...
      X