تويت
<H5 class=_5pbw data-ft='{"tn":"C"}'>Fadia Restom
يللا بما انو مقبعه معي ع قولة غوار،، اسمعوا هل الخبرية ..
الدكاترة دوما بيعنفصوا .. بكل البلدان الا بالسويد!
دولة متحضرة يا عمي شو بدك تحكي!!
يعني الدكاترة هون اتربّوا منيح و اتبرمجوا للخضوع و سماع الأوامر من الادارة ..
إتطور
إتعلم
مندفع لك
بس
بتسمع أوامر الادارة و كيف الادارة بتشوف الطب لازم يندار و كلّو حسب حسابات و احصائيات الإداريين يللي متلي..
متل ما تعلّم رجالهم و صاروا يسمعوا كلام نسوانهم كذلك دكاترتهم..
المضحك وين !!
لما بيجي دكاترة مو سويديين!! معنترين .. يعني
و خاصة من بلاد العرب اوطاني !
بيتمسكن اول الشي.. ليتعلم و يقدر يدخل و يصير له شغل ..
بيطوروه
بيدفعوا له كورسات ليتعلم يللي بدهم ياه يتعلم ..
بعدين بيفكر حاله شغلة كبيرة اذا مافهم السيستيم صحّ.. و خاصة انه غالبا غالبا ما بيستلم مكانة رئيس مشان هيك ما بيعرف شو صاير..
و اذا صدفت و عطوه محل مرموق و مسؤول عن شي.. بيصير متل الطاووس ..
بينسى هو مين !
و باي بلد هو.!
و بيصير طول الوقت يحكي عن بلده و الدكتاتورية ببلده الأصلي و انو ما كان يصحّ له كل هل العلم و هل الشي..
و فجأة بيروح عليه انو اصلا هو محكوم بقوانين الإداريين و النظام السويدي و ممنوع يتفلعص برا الخط..
و هون بيجيه ضرب الديموقراطية يللي كان عم يتغنّى فيها..
ما عجبك قرار الادارة ،، اتفضّل فرجينا عرض كتافك!!
كل كم سنه بيصير نفس الشي عندنا بالوزارة مع الدكاترة المغتربين هون..
و من أسبوعين قايمة الدني و قاعدة عندنا بخصوص ٣ انفصلوا لأنهم فكّروا حالهم فوق الادارة لأنهم دكاترة و بينقذوا أرواح
انا شمتانه مو لشي، بس لأنهم كانوا يحكوا عاطل عن بلدهم و هلأ إجاهم كلمة حق!
خليك مكانك! انتي ولا شي..
يا بتسمع كلام النظام .... يا اخرس.. مبروك عليكم الغربة لنيل الحرية.. مبروك مبروك
ـــــــــــــــــــــــــــــ
Roua Taleb هاد الحكي اللي بيفش القلب ع فكرة مو بس الاطباء هيك في كتير سوريين ( واحد منهم صار عندكن لسوء حظكن زادوا ديوك الحبش واحد ) بس صاروا دكاترة بيفكروا انو خلص يا ارض اشتدي ما عليكي قدي وببلشوا يسبوا ع سوريا ويحكو شروي غروي وبينسوا انو اللي عملهن بشر اصلا وطالعهن لبرا هو سوريا والنظام الديكتاتوري الي مو عاجبهن بس شو بدنا نعمل تفاهة لا حدود لها وعقد نقص بالجملة للاسف
ــــــــــــــــــــــــــــــــــــــــــ
Roua Taleb ههههههههههههه وهون هيك كمان بس للامانة النظام الصحي عندهن فظيع لهيك استغربت انو كيف الولادة هون مأمنة والتأمين الصحي بغطيها اما بالسويد لاء
Fadia Restom لا لا طبعا هون في تأمين صحّي للكل.
يللي بيدفعه المريض مبلغ كتير كتير رمزي بالنسبة للتكاليف.. هون ٩٠ بالمية من الطب تابع لالدولة.
و ال ١٠ بالمية خاص بس كمان ما فيه يشتغل بدون تعويضات الدولة.. بعني الدولة بتدفع له ع المريض .
بينما المريض بيدفع نفس السعر لو كان عند قطاع الدولة ..
ــــــــــــــــــــــــــــــــــــــــــــــــــ ــــــــــ
</H5>
Fadia Restom
من هموم الدول المتحضرة !!
قصة من شغلي..
قسم الولادة عم يعاني من مشكلة مو عرفانين كيف يحلّوها.. صارلون ٣ سنين، من يوم ما حذفوا الدفع كاش بالمستشفيات ، عم يعانوا من هل المشكلة العقيمة .. صارت المشكلة ع طاولتي ل حلّها لانها عقيمة كتير كتير و ما حدا بحلّها الا فاديا ..
الآباء يللي بيرافقوا الأمهات وقت الولادة و بيضلوا مع نساؤهم بالمستشفى يومين محتاجين ياكلوا .. بس هدول الآباء ما بيسترجوا يتركوا نسوانهم ياعيني و يروحوا ياكلوا برا القسم بالمطعم ..
و اول فترة لاحظوا ممرضات القسم انو الأكل بالمطبخ تبع القسم عم ينقص .. فعرفوا انو هل الآباء عم يسرقوا الأكل
فقرروا انو يوصّوا لهم أكل من مطبخ المستشفى لما بيوصوا أكل للأمهات ..
و بنفس الوقت شايفها القسم مكلفه انه عم يدفع حق الأكل للآباء، بينما الأمهات بيجيهم فاتورة بالاقامه بالمستشفى و هيك بيندفع حق الأكل تبعها للقسم بس مو حق أكل الاب..
انا لقيت لهم الحل..
برمجت السيستم تبع فاتورة المستشفى مشان يطلع فيها سعر جديد اسمه " طعام المقربين"..
يعني بالفاتورة يللي بتنبعت لعنوان الام بيجي فيها اول سطر سعر اقامتها ، ثم السطر يللي بعده بيطلع سعر أكل الاب او المقرّب معها..
بعد ذكاء و حيلة على سيستم الصحة لتظبط هل الحركة الصغيرة دون تأثير على إحصاءات المرضى و سبب دخولهم المستشفى،، بيجيني اليوم إيميل من الاعلا و بيعترض على الحلّ !!!
قال شو: هدا يمكن ضد قانون بركي الام ما بدها ب فاتورتها تدفع حق أكل الاب ؟؟
لااااا كتير هيك مووو ،، زوّدوها كتير..
طبعا جوابي كان حاضر.. و اكلوها جواب ع قد عقلهم.. و الله ما كان بحبهم لأنهم جاوبوني و انا بمزاج غير شكل...
للتذكير ! الجحشنه مو ملك للجهلاء ببلادنا .. كمان المتحضرين زيادة عن اللزوم عقلهم عقيم..
Fareed Zaffour
الصديقتان فاديا ورؤى ...أشكركما من الأعماق ..ماتلفظت به شفاهم المقدسة وكلماتكم النبيلة الصادقة والرائعة يستحق أن يدرج في رسائل الدكتوراه ...سيما وأن الكثيرين من أبناء يلدان العرب ..يظنون أنفسهم فوق القانون ..وأنهم خلقوا وكسر القالب..من بعدهم ..الجميل هذه التفاصيل التي تلتقطعا عيونكم الثاقبة والناقدة والموضوعية بدون مبالغة ..أسعدني جداً وأثلج صدري ما تابعته بحواركما معاً عن الفرق بيننا وبين الدول المتقدمة ...ما كتبتموه يؤسس لغد أفضل وبعيون جميلة تلتقط الجمال وتصدره لوطنها ...بوركت أمة أنت أبناءها وبطونن أنجبتكم ...لكم تقديري وإحترامي ..ومزيداً من العطاء وبدون زيف ولف شراطيط كما يقال على عضلاتنا الوهمية ..فلنكن كما قال سقراط إعرف نفسك وكما أضاف عليها أفلوطين المصري أعرف نفسك بنفسك..