إعـــــــلان

تقليص
لا يوجد إعلان حتى الآن.

مواصفات البنت السورية ...!!!!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مواصفات البنت السورية ...!!!!

    أولاً: فيس بوكياً:

    1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.

    2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.

    3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.


    ثانياً- مسنجرياً:

    1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو

    ( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.

    2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

    3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.

    4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

    ثالثا: في الشارع:

    1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

    2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض وبيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.

    3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت


    رابعا: في المحلات التجارية:

    1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....

    2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.

    3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

    منقول للأمانة ...

    Photographs - Logos - Webs -
    Advertisements

    00963-932767014
    [email protected]


  • #2
    رد: مواصفات البنت السورية ...!!!!

    هلأ هيك طلع معك / مشكور على كل الاحوال وكتر الله خيرك
    عبير
    :p

    تعليق


    • #3
      رد: مواصفات البنت السورية ...!!!!

      والله يا فرهد كل شي حكيتو مظبوط وأنا موافقتك عليه مية بالمية وهالحكي بينطبق ع أكتر من 99% من بناتنا!!!تسلم ايدك يا بطل!!

      تعليق


      • #4
        رد: مواصفات البنت السورية ...!!!!

        انا آسف كتير اذا حدا انزعج من الموضوع بس هادا مجرد موضوع او طرفة للطرح والنقاش مو اكتر
        (بس والله في هيك عالم)
        :D:p:D

        Photographs - Logos - Webs -
        Advertisements

        00963-932767014
        [email protected]

        تعليق


        • #5
          رد: مواصفات البنت السورية ...!!!!

          يسلم تمك يافرهد وانا عم قول ليش ماحدا عم يحكي معي مع انو عندي اكتر من مية عنوان وايميل؟؟؟؟؟؟؟؟؟؟؟؟؟؟

          تعليق


          • #6
            رد: مواصفات البنت السورية ...!!!!

            يعطيك ألف ألف عافية يا فرهووود , و الله ضحكتني من كل قلبي , و خليتني اتذكر شي عشرين بنت كنت نسيانهن بحكم الغربة, بس يا محمد على قصة نظام المنضم و صانسيلك , شي خرافي بشرفي
            حبيبنا فرهد

            تعليق

            يعمل...
            X