إعـــــــلان

تقليص
لا يوجد إعلان حتى الآن.

في حوارية : بتحبني .. بحبك أنا .. الشاعر حسن إبراهيم سمعون والشاعرة عبير ديب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • في حوارية : بتحبني .. بحبك أنا .. الشاعر حسن إبراهيم سمعون والشاعرة عبير ديب

    من قبل ‏حسن ابراهيم سمعون‏ على ‏تعليق‏ على منشور من ‏8 سبتمبر‏.











    حسن ابراهيم سمعون‏ مع ‏فاطمة أسعد‏ و‏‏4‏ آخرين







    فيديو يتضمن الجولة الأولى من الحوارية الغزلية.. وطن وعشق بيني وبين الشاعرة القديرة الأخت العزيزة عبير الديب مع المحبة والتقدير للجميع ....مع التنويه بأن التسجيل تم عقيب القصف المجنون على المنطقة بقذائف هاون حاقدة ...والتسجيل مرفق مع النص مكتوبا .. للجمبع محبتي وتقديري
    (قالت الشاعرة عبير الديب بالمحكي)
    بتحبني ؟؟
    بحبك أنا ..
    ريحة مطر يرتاح ع صدر الدني
    ريحة كلام الولدني
    ريحة ملح بدموعنا
    يحفظ عجين الحب تَ يخمِّر ورد ع دروبنا
    و نكبر مَ نسأل من عمرنا الجاي باقي كم سني
    بتحبني ..؟
    قد الدني بحبك انا .. قد الشعر .. قد الخمر
    قد المسيح الي انتصر
    عالموت بالموت
    و حضر بيناتنا
    وقد الصور من يوم أدم حب حوا الماجِني
    بتحبني ..؟
    بحبك أنا .. أبعد من حدود الطهارة و الكفر
    أبعد من التنين عن روح الخضر
    أبعد من جنون الموسيقا والغني
    بتحبني ؟؟
    بعرف أنا .. و بحب أسمع كل يوم حروفها
    مركب أمان يسافر بحلمي و عروس يردني
    بتحبني ؟؟
    (فرددت مُعَـلـِّقـًا ‏‎smile‎‏ رمز تعبيري
    بحبك أنا قد الخمر
    إنتِ عناقيد الهوى بليلة قدرْ
    إنت الشهر
    إنت البدر
    إنت الصلا
    إنت الحلا
    إنت الصَّليب الـ بحملو بعيد الفطر
    إنت الوطن يل بعشقو
    والقرص عنِّي والوَتر
    لولا العهرْ كان الحَجر
    متل الحرير بيغزلو ضو القمر
    حرف المحبي ضاع بدروب الأسى
    ياهل ترى منعود شي لحظة بشر؟
    (فردت مُعلـِّقة , ولها الشكر:)
    بحبك أنا
    ألبي طفل بيحضن حبك يرتمي
    وحبك سما
    عم اكتبا ..
    عم أرسما ..
    غيوما عطر ..
    لما عليي بينهمر
    ما بعود ساع من الفرح
    شو بحس .. و بيطلع معي كل الشعر
    و بأخرو التوقيع خمري ومختصر
    بوسي على شفاف الكلام مدوني
    بتحبني ..!؟!
    (فرددت عليها:)
    لا تسألي بتحبِّـني
    قـَـلبكْ طفل ؟
    قلبي مَهدْ , بيساعْ أطفال الـدّني
    يتوشوشو تحت السّما الـْ .. عَـمْ تـرسمي
    في لوحـتـكْ رَقصتْ حكايا منمنمي
    وقـَّعْـتْ خـَلـفِـكْ والخـتمْ كاسة عَـرق
    عَـرِّيشتا بخـبـز الحياة مـقـَربَـني
    (فردت عليّ مشكورة)
    بيساع أطفال الدني ؟؟ !
    قلبي طفل
    بِ غار من فكرة
    إذا مرت بمهدو ..
    و بالوما بِ لوِّن حدود السما
    بأسود .. غضب بِ عتِّما
    قلبي طفل .. بدو مهد
    قد الدني ..! و ما يساع غيرو
    هيك قلو الناصري .. بديرو
    و ع قربانو حلف
    تفاحتو وحدي وبأيَّ شرع
    مش رح تنتني
    (فرددت عليها )
    لازمْ تِــــغاريْ بالهـوى يامْــزَيـَـــني
    هادا الطـّـبيعي غِـيرتـِكْ المْشـَرعَـني
    غاري على التفاح من صَلـْب الهوى
    تفاحـــــــتكْ مـتـل العَـلمْ مابْـتـنـْـتـني
    لا تـقـبلي إلا وحــيدي قـــــــــــيامتا
    سرّ اليَـسوع مـطـَوَّبا خــبز الـــدّني
    شِـقي الكـَفـَن خـَلـِّي الشرع مايْـتـَلـّـتا
    متـــــلْ السَّبايا بالحَـديـد مكـَـربـَـني
    لاتغـضَبي من شاعركْ لاتــلــــوّني
    وجه السّما إلا بحروف مــــدَوزني
    لا تـزعلي قـَــلبي وطن في ساحِـتـو
    كسروا مَـراجـيح العشقْ والدَّلـْعَــني
    سرْقوا العَتابا وأوفِ مَشعل والغِـني
    رحْ ضلّ اكتبْ والحـبر من دمْعِـتـو
    صَلـّي مَعي أحلى صَلا بالـمَـيْجَـني
    حسن إبراهيم سمعون


    الشاعر حسن إبراهيم سمعون والشاعرة عبير ديب في حوارية بتحبني































يعمل...
X