إعـــــــلان

تقليص
لا يوجد إعلان حتى الآن.

أيام زمان

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أيام زمان



    بتتذكروا ،،،،
    1.بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.



    ‏ 2.بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر..






    3.‏ بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.



    4.بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونضل ناكل مثله




    وبعدين نحطو بطاسة مي أو بالمغسلة وناكلو عم يشرشر.



    5.بتتذكروا.. يوم الجمعة ... ‏نقوم من الصبح مشان نسمع أغنية في قصص الشعوب قصائص لا تنتهي



    وعالم حلو بهي يسكن في القلوب في قصص الشعوب .



    6.بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.



    7.‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.



    8.‏ بتتذكروا.. يوم كنا نحط



    الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.



    9.بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..






    10.بتتذكروا.. عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.



    11.بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!





    12.‏ بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...




    يقول لك: مو رصيفكن هادا رصيف الحكومة


    كلام منطقي, ‏ويتم يمرق قدام البيت ويقول لك مادخلك.



    13.بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.



    14.بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.





    بتتذكروا...لما نشيل الطراريح والشراشف ونعملهن خيم ...أو ناخذ المخدات 16.الكبيرة ونعملهن بيوت.








    واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام



    أولاد هالأيام بتلاقيه عايش مرحلة وحده بس ألا وهي مرحلة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..





    أول ما يفتح التلفزيون بتلاقيه يتفرج ع هيفا ونانسي وروبي



    وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس



    وأم عمار ببرنامج ما يطلبه الجمهور



    وعصمت رشيد يغني بين الشوطين



    ويوم الجمعة سيران والله أيام


    للأسف صار الجيل الجديد بلا هوية


    ------------------------------------------


    كيف أخسر إيماني بعدل الحياة , وأنا أعرف أن أحلام الذين ينامون على الريش

    ليست أجمل من أحلام الذين ينامون على الأرض ؟

  • #2
    رد: أيام زمان

    فين هذه الأيام الجميلة التى اندثرت فى هذا الزمن
    http://samypress.blogspot.com
    http://samypress.yoo7.com

    تعليق


    • #3
      رد: أيام زمان

      يا ريمُ : كم آلمتني
      يا ريمُ : كم أسعدتني
      شرقتني .... غرّبتني
      أبعدتني ... قرّبتني
      والله .. قد اتعبتني
      للطفل كم أرجعتني
      بالأمس غصباً مـُكرهاً ذكـَّرتني
      أوّاه ريمي لو إذنْ ..
      ... في لجـَّتي أغرقتني

      تعليق


      • #4
        رد: أيام زمان

        عاد كان في 3 او 4 شغلات كان لازم ضيفن بس المصيبة انو السيد الوالد شارك قبلي .._ عباس سليمان علي ابو حيدر الغالي _.. واذا حكيت بيعرف شو كنت اعمل انا وصغير .....
        Spot Light

        تعليق


        • #5
          رد: أيام زمان

          معظم اللي ذكرتيه يا ريم عشناه...
          آه آه على هالأيام...
          آه آه ما عاد فيني نام...

          حاجتك عاد يا بقعة ضوء احكيلنا شو كنت تعمل
          صرت شب و نحنا منتواسطلك عند أبو حيدر....

          تعليق


          • #6
            رد: أيام زمان

            سيدتي ردينة : مستحيل ؟؟ شو احكي ما احكي ...... تخيلي قول يعني انو ماكينة الحلاقة السودة انا يلي كسرتا لما كانوا عندي رفقاتي وعامل حالي عم احلق دقني وانا صف رابع ..... مستحيل احكيها
            او مثلا مثلا يعني يعرف انو لما رحت جيب فحم للشوي كا لقيت واشتريت بال 100 انا ورفيقي ورجعت عالبيت قلتلن انو وقعت ال 100 وضاعت .....
            وقس على ذلك ..... لهلق ما بيعرفو بهالشغلات وانشالله ما بيعرفو .....
            Spot Light

            تعليق


            • #7
              رد: أيام زمان

              او مثلا مثلا يعني يعرف انو لما رحت جيب فحم للشوي كا لقيت واشتريت بال 100 انا ورفيقي ورجعت عالبيت قلتلن انو وقعت ال 100 وضاعت .....
              وقس على ذلك ..... لهلق ما بيعرفو بهالشغلات وانشالله ما بيعرفو .....
              ،،،،،،،،،،،،،،،،،،،،،،،،،،،،
              يـُخربْ بوشتـَكْ فضحتنا ونحنا عم نـْقولْ وْلادنا عاقلين وْ ما في متلـُنْ له له له ...

              تعليق

              يعمل...
              X