Tweet
يا كرم العلالي - الأخوين رحباني أمي الحبيبة - زكي ناصيف
يا كرم العلالي عنقودك لنا
و يا حلو يا غالي شو بحبك أنا
عالنهر التقينا و ما قلنا لحدا
و تركنا عينينا تحكي عالهدا
سمعني حكي قالي شو بكي
و طلعلي البكي يا دلي من كتر الهنا
عالدرب الطويلي وداني الهوى
بإيدو وميلي تا نمشي سوى
صرت بلا وعي شي يقلي تعي
و شي يقلي ارجعي و الدنيي عرفت شو بنا
واعدني حبيبي لم بدو يجي
بأسوارة غريبي و عقد بنفسجي
واعدني بقمر و بشوية صور
و باعت لي خبر بيقلي الموسم عالجنا
ــــــــــــــــــــــــــــــــــــــــــــــــــ ــــــــــــ
عادروب الهوى - زكي ناصيف
عادروب الهوى مشاني حبيبي عادروب الهوى مشاني
و عاكرم الهوى وصلني حبيبي و عنقودو استوى و نادني
سوى سوى رحنا نمشي إيد بإيد
و الهوا يلوحنا متل العناقيد
و غمرني بالهنا و سحرني بالهنا حتى أسمي أنا نساني
عاسنيني أخدني سنيني صاروا عيد
أخدني و وعدني بحلي و عمر جديد
بهالعمر الهني سني ورا سني عمر إلي دنيي حلياني
عمر لي عماير عاحفاف العمر
علالي و قناطر عا مد النظر
و لما طل القمر سألني شو الخبر قلتلو عشقانة
ــــــــــــــــــــــــــــــــــــــــــــــــــ ـــــــــــــــــ
سحرتنا البسمات - زكي ناصيف
حبيبٌ تمادى في الصدود كأنه غريب يبادلني السلام تكلفا
أسأله لطف فيزداد منعة و يهرب من وجهي نفورمعنف
لكنه حالا يعود بسمة فأنسى بها كل الذي مر أنفا
سحرتنا البسمات من فيه و خدود الورد ليل يا ليل
و رضاب نجنيه كلذيذ لبشهد ليل يا ليل
فبعثنا النسمات تغريه تشتهي الوعد ليل يا ليل
فهفا بالأهات تذكيه لفحات الوعد ليل يا ليل
ــــــــــــــــــــــــــــــــــــــــــ
من يوم تغربنا - زكي ناصيف
من يوم تغربنا و قلبي عم بيلم جراح
يا ريتا بتخلص هالغربة تا قلبي يرتاح
يا ريت منرجع نتلاقى و تفرح فينا الدار
و قلوب اللي كانت مشتاقة لا تحن و لا تغار
يا نار الفرقة الحراقة شو قسيتي يا نار
رسايلنا اللي حرقتي وراقا صارت بلا جناح
يا ريت الراحو تركونا ما ينسوا الي كان
إن نسيوا اللي كان ينسونا و بيصير الزمان
حلوي سرقولا من جفونا ليالي نيسان
و ما بتقدر لا تشوفا عيونا و لا تنسى اللي راح
أصعب من إيام الفرقة من الليلات السود
إنك ترجع لا في ملقى و لا حب وعود
غير الماضي إلي ما بيبقى يا ريتو بيعود
إسرق وجك مني سرقة و خبيك و ارتاح
ــــــــــــــــــــــــــــــــــــــــــــــــــ ـــــــــــــ