Tweet
( أحّنن لك )
تعال ولاتهيج الروح
تمرمرهه وتزيد ابجاي
حمامه ابلا جنح ضلّيت
مكسوره وعليك ادواي
جزيره الروح من فركَاك
وبشوفك سكَاهه الماي
يل صوتك عذب صدّاح
يهيّج ساكني وبلواي
واشم بزلفك القدّاح
ربه ويّه الجرف والماي
تعال بدونك انه وحيد
وبظلمه وبصيص اضواي
اداري بياجرح ملّيت
لان كثرن وتاه الراي
صرت مدري انه أحنّن ليك
مدري اشكَف سهم بجلاي
عجيبه اشكَد محبه البيك
بالغربه واحس وياي
يمر طيفك عَلَي لحظات
واتمنه يدوم هواي
لانك اغله من الروح
واعز من الهوه بدنياي
اتمنه بحياتي تكون
لحد كَطع النفس وياي
ولو حبك سهم للروح
اريدنّه يصيب احشاي
بقلمي // الاستاذ الشاعر الشيخ فريق مزعل ثامر مطلك الفليح الركابي