تويت
الحكاية الشعبية في التراث الحمصي
مديرية الثقافة بحمص
حكاية ( طـبق الفار ) الراوي : كرجية رسلان - نماذج مـن فرشـات الحـكاية في التراث الحمصي
نماذج مـن فرشـات الحـكاية
طـبق الفار
الراوي : كرجية رسلان
كان في طبق فار صغير كيف ما اتحركت أمن بيتحركوا معاها، إن غسّلت يغسّلوا وإن جلت يجلوا وإن عجنت يعجنوا، وإذا طبخت اتجمعوا حواليها وكانوا ملبكين أمن كتير وخاصة الصغير منن.
بيوم صارت الدنيا الضهر ضبّت الأم الزوادة حتى توديها لأبوهن اللي عما يفلح بالأرض، وقالت لطبق الفار: يا أولادي خليكن بالبيت أنا رايحة عالبستان حتي ودي لأبوكن الغدا وبرجع بسرعة وما راح طول.
إجا الفار الصغير نط من الطبق وصار يصيح ويبكي: بدي روح معك لعند أبوي حتى نوديلو الأكل.
قلتلو: يا ابني خليك عما تلعب مع أخواتك ما بيصير تروح لسعتك صغير بتضيع بعدين بالأرض وبياكلك البس..
ما في فايده صار يبكي وينط ما يحط حتى أخدتو معها غصب العنا، وصّلت الأكل لأبوه وهو عما يفلح قلوا الفار الصغير: يا أبي بدي عاونك واتعلّم الفلاحه ؟.
قالو أبوه: يا ابني أنت صغير ما بتقدر على التور والتور بيدوسك.
صار ينط ما يحط ويبكي، وراح ركض ورا الصمد ومسكو وصار يفلح، وهوي عما يفلح قام الثور ( فلّط ) عليه قام انطمر الفار تحت الزبل وما عاد يبين. دورو عليه أبوه وأمه ما لقوه، رجعوا على البيت عما يبكوا ...
إجت مرا عما تلم الزبل حتى تعملو جلّة، لمت قرص الزبل وعبتو بالكيس، ورفعتو على ضهرا، طول الطريق الفار ينخذها بالمسله بضهرها ويقول: ( يامرية حيزك حيزك، والبرغوث ينقر طيزك ).
نزّلت الحمل عن ضهرها، ودورت ما شافت شي ورجعت حملتو. رجع الفار يغنيلها وينخذها وهي عما تقول: شو هاللي عما يقرصني ويغنيلي عجيبه.
بقت على هذا الحال حتى وصلت على البيت، نزلت الحمل عن ضهرها لقت الفار بقلب شقروف الزبل أخذتو، ونضفتو وودتو لعند أهلو لقتهن عما يبكوا عليه، ركض على أمو وصارت تبوسو، قالها: ماعاد عنّد واطلع برا وبدي اسمع كلامك من هون وهيك، وضل مع أخواتي بالبيت.
مديرية الثقافة بحمص
حكاية ( طـبق الفار ) الراوي : كرجية رسلان - نماذج مـن فرشـات الحـكاية في التراث الحمصي
نماذج مـن فرشـات الحـكاية
طـبق الفار
الراوي : كرجية رسلان
كان في طبق فار صغير كيف ما اتحركت أمن بيتحركوا معاها، إن غسّلت يغسّلوا وإن جلت يجلوا وإن عجنت يعجنوا، وإذا طبخت اتجمعوا حواليها وكانوا ملبكين أمن كتير وخاصة الصغير منن.
بيوم صارت الدنيا الضهر ضبّت الأم الزوادة حتى توديها لأبوهن اللي عما يفلح بالأرض، وقالت لطبق الفار: يا أولادي خليكن بالبيت أنا رايحة عالبستان حتي ودي لأبوكن الغدا وبرجع بسرعة وما راح طول.
إجا الفار الصغير نط من الطبق وصار يصيح ويبكي: بدي روح معك لعند أبوي حتى نوديلو الأكل.
قلتلو: يا ابني خليك عما تلعب مع أخواتك ما بيصير تروح لسعتك صغير بتضيع بعدين بالأرض وبياكلك البس..
ما في فايده صار يبكي وينط ما يحط حتى أخدتو معها غصب العنا، وصّلت الأكل لأبوه وهو عما يفلح قلوا الفار الصغير: يا أبي بدي عاونك واتعلّم الفلاحه ؟.
قالو أبوه: يا ابني أنت صغير ما بتقدر على التور والتور بيدوسك.
صار ينط ما يحط ويبكي، وراح ركض ورا الصمد ومسكو وصار يفلح، وهوي عما يفلح قام الثور ( فلّط ) عليه قام انطمر الفار تحت الزبل وما عاد يبين. دورو عليه أبوه وأمه ما لقوه، رجعوا على البيت عما يبكوا ...
إجت مرا عما تلم الزبل حتى تعملو جلّة، لمت قرص الزبل وعبتو بالكيس، ورفعتو على ضهرا، طول الطريق الفار ينخذها بالمسله بضهرها ويقول: ( يامرية حيزك حيزك، والبرغوث ينقر طيزك ).
نزّلت الحمل عن ضهرها، ودورت ما شافت شي ورجعت حملتو. رجع الفار يغنيلها وينخذها وهي عما تقول: شو هاللي عما يقرصني ويغنيلي عجيبه.
بقت على هذا الحال حتى وصلت على البيت، نزلت الحمل عن ضهرها لقت الفار بقلب شقروف الزبل أخذتو، ونضفتو وودتو لعند أهلو لقتهن عما يبكوا عليه، ركض على أمو وصارت تبوسو، قالها: ماعاد عنّد واطلع برا وبدي اسمع كلامك من هون وهيك، وضل مع أخواتي بالبيت.