تويت
الحكاية الشعبية في التراث الحمصي
مديرية الثقافة بحمص
حكاية ( سـيد وخـيشـه) الراوية : أم مريم - نماذج مـن فرشـات الحـكاية في التراث الحمصي
نماذج مـن فرشـات الحـكاية
سـيد وخـيشـه
الراوية : أم مريم
كان في واحد مرتو حلوي وشقرا وعين الله عليا لكن اسمها خيشه كل يوم جوزا يقلا: يا مرا كل شي فيكي حلو إلا اسمك .. شوبدي ضل قلك يا خيشه قومي احلبي البقره، روحي يا خيشه تعي يا خيشه وكل يوم كان يسمعها نفس الكلام. ليوم سمع واحد بمشكلة الرجال ومرتو، راح خلى الرجال لحتى طلع عالشغل، اجا وقف عند الباب وصار يصيح: أنا بياع الأسامي اللي بدو اسم للبيع اللي مو عاجبو اسمو.
سمعت خيشه صوت المنادي، قالت إجاني الفرج طلعت وصاحتلو: يا أخ... يا أخ... يا بياع الأسامي.
رد عليها: نعم يا ست شو بدك اسم ؟ قلتلو: نعم نئيلي أحلى اسم عندك.
صار يعدلها الأسامي اللي بيعرفن ما كان يعجبها اسم لحتى وصل لعند اسم نور اختارتو وقالت: هاد اللي بدي اياه. قلا: بس هادا غالي كتير... لكن يالله أنتي مابيغلا عليكي شي.
قالتلو: قديش بدك حقو ؟. قلا : حقو بيساوي بقرا . قالتلو: هاي البقرا غالي وجوزي اشتراها بكل ما معو وما بيتخلا عنا.
قلها: هادا الاسم أغلى من هيك وحقو بقرتين بس أنا راعيتك ورضيت ببقرا وحدي..
بالأخير رضت وعطيتو البقرا أخدها وفل. عند المسا اجا جوزا من الشغل وصاح فيها: يا خيشه روحي احلبي البقرا. وهي ماترد. قلها مرتين تلاتي وبعدين صاح فيها: ولك ليش ما عما تردي يا مضروبه؟. قالتلو: أنا ما عاد اسمي خيشه، أنا صار اسمي نور .
قلها: مليح هادا اسم حلو روحي يا نور احلبي البقرا .
قالتو: بس ما عاد عنا بقرا لأنو اشتريت فيا الاسم مشان يعجبك.
صاح فيا: الله يخرب بيتك لمين وكيف، وبكرا العيد وبدنا نحلبها لنعمل رز بحليب .
قامت حكتلو القصة من أولها للآخرها، فطار عقلو وراح يجن وركض بالضيعه، وصار يدور على الزلمي النصاب.
كان في واحد فلاح عما يفلح بالأرض وتعبان وعما يغني بكرا العيد منعيد، ومندبح بقرة السيد، والسيد ما عندو بقرة بندبح مرتو هالشقرا .
قام مسكوا وصار فيه الضرب ويصيح فيه وين البقرا ؟ أنت اللي سرقتها، والفلاح يصيح ويحلفلو أنو ما شاف شي ولا بيعرف البقرا وين، وضل يضربو لحتى هلك، واجتمعوا عليه الناس وفكوه وحكالهم القصة فصاروا يضحكوا عليه وعلى مرتو ...
مديرية الثقافة بحمص
حكاية ( سـيد وخـيشـه) الراوية : أم مريم - نماذج مـن فرشـات الحـكاية في التراث الحمصي
نماذج مـن فرشـات الحـكاية
سـيد وخـيشـه
الراوية : أم مريم
كان في واحد مرتو حلوي وشقرا وعين الله عليا لكن اسمها خيشه كل يوم جوزا يقلا: يا مرا كل شي فيكي حلو إلا اسمك .. شوبدي ضل قلك يا خيشه قومي احلبي البقره، روحي يا خيشه تعي يا خيشه وكل يوم كان يسمعها نفس الكلام. ليوم سمع واحد بمشكلة الرجال ومرتو، راح خلى الرجال لحتى طلع عالشغل، اجا وقف عند الباب وصار يصيح: أنا بياع الأسامي اللي بدو اسم للبيع اللي مو عاجبو اسمو.
سمعت خيشه صوت المنادي، قالت إجاني الفرج طلعت وصاحتلو: يا أخ... يا أخ... يا بياع الأسامي.
رد عليها: نعم يا ست شو بدك اسم ؟ قلتلو: نعم نئيلي أحلى اسم عندك.
صار يعدلها الأسامي اللي بيعرفن ما كان يعجبها اسم لحتى وصل لعند اسم نور اختارتو وقالت: هاد اللي بدي اياه. قلا: بس هادا غالي كتير... لكن يالله أنتي مابيغلا عليكي شي.
قالتلو: قديش بدك حقو ؟. قلا : حقو بيساوي بقرا . قالتلو: هاي البقرا غالي وجوزي اشتراها بكل ما معو وما بيتخلا عنا.
قلها: هادا الاسم أغلى من هيك وحقو بقرتين بس أنا راعيتك ورضيت ببقرا وحدي..
بالأخير رضت وعطيتو البقرا أخدها وفل. عند المسا اجا جوزا من الشغل وصاح فيها: يا خيشه روحي احلبي البقرا. وهي ماترد. قلها مرتين تلاتي وبعدين صاح فيها: ولك ليش ما عما تردي يا مضروبه؟. قالتلو: أنا ما عاد اسمي خيشه، أنا صار اسمي نور .
قلها: مليح هادا اسم حلو روحي يا نور احلبي البقرا .
قالتو: بس ما عاد عنا بقرا لأنو اشتريت فيا الاسم مشان يعجبك.
صاح فيا: الله يخرب بيتك لمين وكيف، وبكرا العيد وبدنا نحلبها لنعمل رز بحليب .
قامت حكتلو القصة من أولها للآخرها، فطار عقلو وراح يجن وركض بالضيعه، وصار يدور على الزلمي النصاب.
كان في واحد فلاح عما يفلح بالأرض وتعبان وعما يغني بكرا العيد منعيد، ومندبح بقرة السيد، والسيد ما عندو بقرة بندبح مرتو هالشقرا .
قام مسكوا وصار فيه الضرب ويصيح فيه وين البقرا ؟ أنت اللي سرقتها، والفلاح يصيح ويحلفلو أنو ما شاف شي ولا بيعرف البقرا وين، وضل يضربو لحتى هلك، واجتمعوا عليه الناس وفكوه وحكالهم القصة فصاروا يضحكوا عليه وعلى مرتو ...