د. الشاعر شحود زيدان




بناءً على طلبِ الكثير من أصدقائيَ الأفاضلِ أنشرُ قصيدةَ "وين كنّا وين صرنا" للمرّةِ الثانية :
"وين كنّا وين صرنا"
كان في الماضي أهالينا ينشغلوا فينا...........صرنا يا حسرة نخاف على أهالينا
غدّار يا زمان ليش درت و جنيت علينا.......ما في غير الله بيعرف حالنا و مآسينا
يا آسفي عليك يا بلد الحُبّ و السكينا......راح الأمن و الأمان و غَدَر فيك واشينا
بكي الحجر و الشجر و الطير صار حزينا....و بني يعرب ما حركهم العذاب و الأنينا
وين كنّا وين صرنا شو مخباية السنينا....ما في جواب غير الهمّ و الألم و الضنينا
يا حُثالة البشر يا خونة يا أولاد الثعابينا......اتركونا نعيش بسلام ليش متقصدينّا
بعتم دينكن و أهلكن و الوطن يا مُرتشينا.....الله أكبر عليكن و النعم بالله المُعينا
قبضتم الثمن باليورو و الدولار من أعادينا......و كذبتم و افتريتم بإذاعاتهن اللعينا
رميتونا بوحوش للدم و اللحم مشتهينا.......قتلوا و سرقوا و اغتصبوا لنا غوانينا
يا ويلاه على بلدنا و شعبنا المسكينا........يا ربّ بحسنة اليتامى منهن تنجّينا
لكن رح ترجع سوريا كبيرة عالية الجبينا......قلعة صمود و تصدِّي بوجه المُعتدينا
زهرة الشرق و عزّة الحاضر و فخر ماضينا...و روعة المستقبل و النصر يزيّن عرينا
22/10/2013
بقلم الدكتور شحود إيليا زيدان