د. الشاعر شحود زيدان





أُهديكُم قصيدتي الغزليّةَ الجديدة و أتمنَّى أن تنالَ إعجابَكُم :

"لا تشوفي حالِك"

يا بنت الحلوة للغرام ميلي............يسلملي خصرِك هالنحيلِ

لوّ دقتِ طعم الهوى شي ليلِة...........ما كنتِ تدللتِ يا جميلِة

حاجة تعملي حالِك تقيلِة...........ع نار العشق ما فيكِ يا ويلي

لوّعت قلوب قبلِك يا أصيلِة.............عودي للحُبّ وفيِّة و خليلِة

إذا مفكّره حالِك عبلة قوليلي.........أنا عنتر ما بيوقف مقابيلي

لا تقولي صغيرِة و تهزّي لي...........بعده مليان بالزيت قنديلي

من قبيلة زيدان أنا سليلِ...............اسألي عن أصلي الجليلِ

لسّى من بعيد بتومي لي..........تعالي نستمتع بهوانا العليلِ

أيام الفرح و ساعاته قليلِة.........تيلتم الشمل لازم تدعي لي

شو رأيِك بالكلام أحكي لي.........حاسس فيكِ و قلبي دليلي

جايي لعندك أنا صلِّي لي.........رح أخلصلِك و أنتِ تخلصي لي
25/10/2013

بقلم الدكتور شحود إيليا زيدان