تويت
Fadia Restom
كل ما صرخت من غربتي أخخ اشتأتلك سوريا.
بيجيني صرخة تانية من داخل سوريا بتقول و نحن كمان إشتأنا لسوريا!
ما دام كلنا إشتأنا لسوريا، ليش ما منصرخ سوى؟ ليش ما منقول خلص دم و خلص جنان و خلص زعبلات و خلص نفاق..
ليش كل واحد طلع برّا البلد مشوار صار يعمل حاله بيفهم برب الديموقراطية و الحرية و لك حتى يللي عايش برا البلد ما بيفهم من الغرب غير قشوره و بيخضع للقانون تبعهم متل التوتو...
لك كان عندنا بلد تحلموا تشوفوا متلها..
بدكون حرية و ديموقراطية وانتوا جوات الحقد و الغباء مقيدين!!
بدكون شغل و فرص و انتو ما بتحركوا إجرا من مطرحها وبالفشل مكللين!
بدكون علم و نور و إنتوا التقاليد و العادات البالية ما بتتخلّوا عنها و بالجهل فرحانين..
بدكون قوانين تمشي عل الكل و إنتوا مقتنعين أنو غير بالرشاوي و المحسوبيات ما بتمشوا اوراقكم و أولادكم للبرطلة معلمين!
بدكون حقوقكم من الدولة و إنتوا ما بتعرفوا شو هي واجباتكم من بلدكم و شو هو قانون العمل و لا الضرايب بس للسرقة شاطرين !
بدكون تعليم عالي الجودة و إنتوا ما بتحطّوا وقت من نهاركم تبحثوا لوحدكم عن معلومة و للبلاش هاويين!!
بدكون السلام ببلدكم و إنتوا غير بالحكي و الصلاة في الجوامع و الكنائس مانكون نافعين!
لك دخيل طرقاتك المحفّرة ،
لك دخيل العجقة و الطوابع العشرة يللي كل واحد بطابق بدوائر الدولة ،
لك دخيل ارصفه الشوارع المكسّرة ،
لك دخيل الغبرة يللي بتهب ع وجوهنا كل ما شاحنه مرّت من حدّه ،،
لك دخيل التلطيش بالشوارع كمان..
لك دخيل خربطة السير ع الدوار و الزمامير يللي بتصرع صرع كل وقفة إشارة ..
لك دخيل مدارس الحكومة و فولار طلائع البعث ابو الجوزة البنّية ،،
دخيل صرفة المدارس و عجقة الباصات يللي ما كانت تجي ع الوقت،
لك دخيل المي المقطوعة و الكهربا المقننة و بياعين المازرت عع الطنباية،،
و للا الطرطيرة يللي تنقل خسّ و هندبه و فجل من وشّ الصبح من الضيع لسوق الهال كمان هي دخيل ربها..
لك دخيل رب ريحة العسكري يللي يجي إجازة لعند أهله بعد اول كم شهر بالعسكرية و بتكون فايحه بالبولمان ..
دخيل ربهم كلهم ،، إرجعوااااااااااااااااااااا
وديع الصافي - يا مهاجرين ارجعوا...
يا مهاجرين ارجعوا غالي الوطن غالي ... سوريا صوتا اسمعوا صوت العتب عالي ... يالله الشمل اجمعوا .. الغربة اتركوها وتعوا... سوريا حلوه معا العيشه...
كل ما صرخت من غربتي أخخ اشتأتلك سوريا.
بيجيني صرخة تانية من داخل سوريا بتقول و نحن كمان إشتأنا لسوريا!
ما دام كلنا إشتأنا لسوريا، ليش ما منصرخ سوى؟ ليش ما منقول خلص دم و خلص جنان و خلص زعبلات و خلص نفاق..
ليش كل واحد طلع برّا البلد مشوار صار يعمل حاله بيفهم برب الديموقراطية و الحرية و لك حتى يللي عايش برا البلد ما بيفهم من الغرب غير قشوره و بيخضع للقانون تبعهم متل التوتو...
لك كان عندنا بلد تحلموا تشوفوا متلها..
بدكون حرية و ديموقراطية وانتوا جوات الحقد و الغباء مقيدين!!
بدكون شغل و فرص و انتو ما بتحركوا إجرا من مطرحها وبالفشل مكللين!
بدكون علم و نور و إنتوا التقاليد و العادات البالية ما بتتخلّوا عنها و بالجهل فرحانين..
بدكون قوانين تمشي عل الكل و إنتوا مقتنعين أنو غير بالرشاوي و المحسوبيات ما بتمشوا اوراقكم و أولادكم للبرطلة معلمين!
بدكون حقوقكم من الدولة و إنتوا ما بتعرفوا شو هي واجباتكم من بلدكم و شو هو قانون العمل و لا الضرايب بس للسرقة شاطرين !
بدكون تعليم عالي الجودة و إنتوا ما بتحطّوا وقت من نهاركم تبحثوا لوحدكم عن معلومة و للبلاش هاويين!!
بدكون السلام ببلدكم و إنتوا غير بالحكي و الصلاة في الجوامع و الكنائس مانكون نافعين!
لك دخيل طرقاتك المحفّرة ،
لك دخيل العجقة و الطوابع العشرة يللي كل واحد بطابق بدوائر الدولة ،
لك دخيل ارصفه الشوارع المكسّرة ،
لك دخيل الغبرة يللي بتهب ع وجوهنا كل ما شاحنه مرّت من حدّه ،،
لك دخيل التلطيش بالشوارع كمان..
لك دخيل خربطة السير ع الدوار و الزمامير يللي بتصرع صرع كل وقفة إشارة ..
لك دخيل مدارس الحكومة و فولار طلائع البعث ابو الجوزة البنّية ،،
دخيل صرفة المدارس و عجقة الباصات يللي ما كانت تجي ع الوقت،
لك دخيل المي المقطوعة و الكهربا المقننة و بياعين المازرت عع الطنباية،،
و للا الطرطيرة يللي تنقل خسّ و هندبه و فجل من وشّ الصبح من الضيع لسوق الهال كمان هي دخيل ربها..
لك دخيل رب ريحة العسكري يللي يجي إجازة لعند أهله بعد اول كم شهر بالعسكرية و بتكون فايحه بالبولمان ..
دخيل ربهم كلهم ،، إرجعوااااااااااااااااااااا
وديع الصافي - يا مهاجرين ارجعوا...
يا مهاجرين ارجعوا غالي الوطن غالي ... سوريا صوتا اسمعوا صوت العتب عالي ... يالله الشمل اجمعوا .. الغربة اتركوها وتعوا... سوريا حلوه معا العيشه...