يا رايح ... من أشعار طلال حيدر
يارايح

يا راعي القصب مبحوح
جايي ع بالي شروقي
قلّو للقصب ما يبوح
بالسرّ اللي بعروقي
وإن ضعنا سوى بهالليل
خلّي صوتك مسموعي
يا رايح صوب مشرّق
مشرّق ما بو ربيعي
راحوا يرعوا غنمهن
والعشب فوق ضلوعي
وإيّام الـ غابن ولفي
لعدّن ع صابيعي
وعتّم علينا يا ليل
وضيعي يا حلوة ضيعي
قالولي إنّي عشقان
وأني مش داري بحالي
بين الصاحي والغفيان
لمحت خيالك قبالي
كان الصبح شنّو بان
وآدان الصبح عالي
ونازل من صوبن مرسال
من عيني نزلوا دموعي
ــــــــــــــــــــــــــــــــــ
غنت فيروز
يا رايح - طلال حيدر - ألحان: فيلمون وهبي
يا راعي القصب مبحوح جايي عبالي شروقي قللو للقصب ما يبوح بالسر اللي بعروقي و إن ضعنا سوى بهالليل ...