تويت
الشاعره نجاح المساعيد
غيرتي غطت على عقلي معك
وانسكب كلي غرام ٍ بين ايديك
ذبت بحضورك ولو غبت اتبعك
اشتعل بك حرف واخضع وارتجيك
يالغرام العذب كم كنت اسمعك
واغرق بهمسك واقول الله عليك
إن حكيت فألف يووووه ومااروعك
وإن همست اضيع من شوقي واجيك
وإن زعلت اقول منهو يمنعك
تقتل الفرحة بعمر اللي يبيك
وإن سكت فألف لا لا تردعك
لا سكوت بحضرة اللي مهتويك
صعب انا احبك حياتي واخدعك
اظهر اني دالهه وي نسيك
رحت وش يعني ؟ومنهو رجعك؟
لامبالاتي قبل عشقي تجيك
صعب في وصلي ادور مصرعك
واهدي اجفونك عذابٍ وابتليك
لاني انا اعشقك واحساسي معك
وانسكب كلي غرام ٍ بين ايديك