تويت
الشاعره نجاح المساعيد
يـا مـن ذبحـت المحانـي مـن غـلاك الجمـوح
مرابـطـك فــي خفـوقـي لـيــه .. خليـتـهـا !!
نسيـت مفـلاك فـي ضـلـع الـغـلا والسـفـوح
الـلـي عـلـى طـــارف اضـلاعــي تخطريـتـهـا
فـوحـت دلــة غـلاتــك .. والمـشـاعـر تـفــوح
وبــن الـهـوى يـحـيـي الاذهـــان ويميـتـهـا !!
وصبيت لك مـن بهـار الطيـب ( فنجـال روح )
ونـثــرت صـبــة يمـيـنـي .. يـــوم مـديـتـهـا !!
اوجعتنـي وانـت مـا تـدري .. لـو انهـا مــزوح
وفهـمـت وش مقـصـدك منـهـا .. وقاسيتـهـا
يـا ليـت جـرح الهـوى لحـظـات عقـبـه يــروح
مـا كـان نفسـي علـى فرقـاك .. حديتـهـا !!
عواصـف الحـزن هـدت مـن جـفـاك الطـمـوح
فـي كلمـة (ن) لا وصلـت إلهـا .. تعديتـهـا !!
أسكـت الحـزن فّـي .. وتنـطـق العـيـن بــوح
حسـبـي عـلـى دمـعـة لـرضــاك هليـتـهـا !!
خـلاص بـاح الـعـزا لــو كــان قلـبـي سـمـوح
يـــا أول وآخـــر أمـانــي قــــد .. تمنـيـتـهـا !!
الـحـب مـاهـو بغـصـبـا !! تـبـغـي تـــروح روح
ذبـلـت ورود المشـاعـر وأنــت مــا اسقيتـهـا
قد قلت لك .. والقسى في عين صدك يلوح
حـدك معـك بالجفـا .. ومـا كـنـك اوحيتـهـا !!
مـبـدا المحـبـه غـــرام ومنتـهـاهـا جـــروح !!
هــي هـكـذا .. تجربتـهـا .. يــوم عانيـتـهـا !!
ان رحت عنك تجي .. وان جيـت يمـك تـروح
يــا تـنـهـي المـسـألـه ولا تـــرى انهيـتـهـا !!
كـرامـتـي مـالـهـا .. إلا اسـتـاذنـك بـالـنـزوح
فإجـمـع خطـايـا الـغـرام .. وشــب كبريـتـهـا