تويت
Dr-Abir Hatem
ودّي أحطّب لك ضلوعي وادفيّك
وألحفّك بالرمش لا صرت برداناسكنك في عيوني ان كان يرضيك
وتصير عيني لك وطن مثل الأوطان
واضمك لصدري غلا لين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان
ياحبيبي انت الوفا والوفا فيك
يرسم ملامح ضحكتك وانت عتبان
لاتستحي واحضن يدي داخل إديك
ثم شدني وارضيك ان كنت زعلان
ابي افتخر فيك واتبختر وأناديك
وأقول:
هلا بحبيبي اللي سكن بين الأوجان
ياحياتي والله لأعطيك واعطيك
عمري وعشقي فدوتك ياأعذب انسان
انت الهوى والقلب بالحيل يغليك
انت حبي اللي رويته بدمع الأجفان
وانت حبك أشوفه يملي علي
كل هالكون وحتى لوفيه غيره أكوان.