تويت
90مليون زهايمر ؟!!
تنهدت (الجدة) فى حسرة وقالت على رأى المثل : إشتدى يا أزمة تنفرجى .. وقعدت تكلم نفسها وتسأل : هو أيه اللى بيحصل فى مصر ده ؟ مين بيقتل مين ؟ ومين بيحدف طوب على مين ؟ ومين معترض على مين ؟ ومين اللى مش عجبه مين ؟ ومين اللى حاصر السجن ، ومين اللى ضرب نار على أهالى المساجين ؟ ومين اللى حشدوهم فى عربيات لورى ونص نقل ، وكانوا مسلحين ؟ ومين اللى حرقوا السجون والأقسام ، وقتلوا الظباط والعساكر الغلابة اللى كانوا واقفين ؟ ومين اللى بيضربوا ، وبيقتلوا المتظاهرين ؟ إذا كانت الشرطة بتقول لامعانا بندقية ، ولا حتى (نبلة) للتأمين ؟ ومين (البلاك بلوك) دول ؟ ومين اللى بيدربهم ، وبيمولهم ، وبيساعدوا مين ؟ ومن إمتى ولادنا بقوا ملثمين ؟ ماطول عمر ولاد مصر رجالة وكلنا عارفين ؟ ومين اللى خلا ولادنا فى مدن القناة ، يشكوا إنهم مصريين ؟ ومين اللى عايز يسكتنا، فراح محاصر الإعلام ، والإعلاميين ؟ ومين اللى منع القضاة من دخول المحاكم ،وجرأ الناس عليهم ..لما قال إنهم شوية مأجورين ، بلا ذمة ، ومرتشين ؟ ، ومين اللى كفرنا عشان مش تبع حزبه ، وعلى عمايله مش موافقين ؟ فقال إننا مش مسلمين ؟ ومين اللى طبخ دستور بالليل ، وإحنا نايمين ولما صحينا.. أكله لنا ، وإحنا مش عايزين ؟ ومين اللى رجع لنا التعامل بالصكوك ، وفرض علينا الطوارئ ، وحظر التجول ، ورجعنا لزمن كان قبل الثورة بسنين ؟ ماطول عمرنا عايشين فى مصر ..وعمرنا ما شفنا أيام زى اللى إحنا دلوقت شايفين ؟ ومين اللى عمل لنا كوبونات للعيش والسولار والبنزين ؟ الكلام ده كان أيام (وابور الجاز) لماكانت كل حاجة ببطاقة التموين ؟ ومين اللى فرقنا وخلانا أحزاب..وجبهات..وقوى سياسية متفرقين.. شوية منهم موافقين ، وشوية معترضين ؟ همّ الإنجليز والفرنساويين رجعوا ، وإحتلونا تانى ،وعلى الفنادق دخلين ؟ وألا إسرائيل بعتت لنا من عندها شوية فلسطينيين ؟ اللى ناقص إن صفارة الغارة تضرب .. ونروح على المخبأ جريين ؟ تدخلت الحفيدة قائلة : كفاية كده ياجدتى .. إلحقى يا ماما ..لأحسن (تيتة) يظهر إن الزهايمر رجع لها تانى .. ردت الأم : أعمل لها أيه يابنتى .. ماهو اللى بيحصل ده.. حيجيب لنا إن شاء الله ( 90مليون زهايمر) ؟!
بقلم / سحر فوزى/ كاتبة وقاصة مصرية /30 /1 /2013
تنهدت (الجدة) فى حسرة وقالت على رأى المثل : إشتدى يا أزمة تنفرجى .. وقعدت تكلم نفسها وتسأل : هو أيه اللى بيحصل فى مصر ده ؟ مين بيقتل مين ؟ ومين بيحدف طوب على مين ؟ ومين معترض على مين ؟ ومين اللى مش عجبه مين ؟ ومين اللى حاصر السجن ، ومين اللى ضرب نار على أهالى المساجين ؟ ومين اللى حشدوهم فى عربيات لورى ونص نقل ، وكانوا مسلحين ؟ ومين اللى حرقوا السجون والأقسام ، وقتلوا الظباط والعساكر الغلابة اللى كانوا واقفين ؟ ومين اللى بيضربوا ، وبيقتلوا المتظاهرين ؟ إذا كانت الشرطة بتقول لامعانا بندقية ، ولا حتى (نبلة) للتأمين ؟ ومين (البلاك بلوك) دول ؟ ومين اللى بيدربهم ، وبيمولهم ، وبيساعدوا مين ؟ ومن إمتى ولادنا بقوا ملثمين ؟ ماطول عمر ولاد مصر رجالة وكلنا عارفين ؟ ومين اللى خلا ولادنا فى مدن القناة ، يشكوا إنهم مصريين ؟ ومين اللى عايز يسكتنا، فراح محاصر الإعلام ، والإعلاميين ؟ ومين اللى منع القضاة من دخول المحاكم ،وجرأ الناس عليهم ..لما قال إنهم شوية مأجورين ، بلا ذمة ، ومرتشين ؟ ، ومين اللى كفرنا عشان مش تبع حزبه ، وعلى عمايله مش موافقين ؟ فقال إننا مش مسلمين ؟ ومين اللى طبخ دستور بالليل ، وإحنا نايمين ولما صحينا.. أكله لنا ، وإحنا مش عايزين ؟ ومين اللى رجع لنا التعامل بالصكوك ، وفرض علينا الطوارئ ، وحظر التجول ، ورجعنا لزمن كان قبل الثورة بسنين ؟ ماطول عمرنا عايشين فى مصر ..وعمرنا ما شفنا أيام زى اللى إحنا دلوقت شايفين ؟ ومين اللى عمل لنا كوبونات للعيش والسولار والبنزين ؟ الكلام ده كان أيام (وابور الجاز) لماكانت كل حاجة ببطاقة التموين ؟ ومين اللى فرقنا وخلانا أحزاب..وجبهات..وقوى سياسية متفرقين.. شوية منهم موافقين ، وشوية معترضين ؟ همّ الإنجليز والفرنساويين رجعوا ، وإحتلونا تانى ،وعلى الفنادق دخلين ؟ وألا إسرائيل بعتت لنا من عندها شوية فلسطينيين ؟ اللى ناقص إن صفارة الغارة تضرب .. ونروح على المخبأ جريين ؟ تدخلت الحفيدة قائلة : كفاية كده ياجدتى .. إلحقى يا ماما ..لأحسن (تيتة) يظهر إن الزهايمر رجع لها تانى .. ردت الأم : أعمل لها أيه يابنتى .. ماهو اللى بيحصل ده.. حيجيب لنا إن شاء الله ( 90مليون زهايمر) ؟!
بقلم / سحر فوزى/ كاتبة وقاصة مصرية /30 /1 /2013