تويت
بلد العجايب؟!!
طرحت المذيعة سؤالا على عدد من الجماهير فى الشارع.. قائلة : من منكم يعرف.. بلد العجايب؟..وبدون تفكير هلل الجميع ورفعوا أيديهم وتسابقوا وتهافتوا على الإجابة .. بدأت المذيعة تختار وتستمع لإجابات الجماهير ..أجاب أحدهم: بلد العجايب ..هى البلد اللى ثرواتها الطبيعية ، وخيرها كتير...بس من زمان بيسرقه الصغير قبل الكبير ، وأهى دلوقت دايرة تستلف عشان رصيدها النقدى ، والإحتياطى على وشك التصفير ..وأجاب آخر: هى البلد اللى بتطل على بحرين ، ونيل ، وأرضها خصبة ، صالحة لزراعة كافة المحاصيل ...ورغم كل ده.. بتستورد القمح المسرطن، والبن من البرازيل...تدخلت أخرى: لأ طبعا هى البلد اللى بتبنى أبراج سكنية ، فوق أراضيها الزراعية ، وبتروح تصرف الملايين عشان تستصلح الصحراوية ، أصل مسؤليها مش فاهمين ولاعارفين ، أهمية دية ، ولا دية ...إختطف الميكروفون آخر: أنا عارفها ..هى طبعا البلد اللى فيها ثروة بشرية ، وعقول دهبية، ومساحات تنفع مصانع، إتباعت برخص التراب لشلة الحرامية، وسد عالى يولد كهربا ، تفتح ألف قرية صناعية... وبعد كل ده الصين بتبيع لها ..من الإبرة ، لغاية الهياكل العظمية.. فكرت أخرى قليلا ، وقالت: عرفتها ...هى اللى شعبها بيطبل عشان جون فى الدورة الإفريقية، أصله طيب ونفسه حاجة تفرحه ، مهو طول عمره صامد ، وصابر و حمال الأسية..وهو اللى بيشترك فى المسابقات الوهمية ، وبيشترى من التليفزيون سلع فاسدة وأدوية ...وبيصرف شقاه فى القعدة على القهاوى للصبح وشرب الحاجات اللى مش هى ، وتلاقيه بيضحك من غير سبب فى برامج التريقة السخيفة، اللى بيسموها كوميدية ....وبيسقف ، ويصفر، فى برامج المسابقات الغنائية ، وتلاقيه ضيف فى البرامج الثقافية، وبيفتح صناديق فى البرامج الترفيهية .. وبيحدف طوب ويحرق بلده ، وهو مش فاهم قيمة الحاجات اللى بيحرقها دية، وبيصوت فى الاستفتاءات والإنتخابات لما صوته راح ، والنتيجة هى هى .. مع إن جدوده هم اللى بنوا الأهرامات ، وأبو الهول ،والآثار الفرعونية ..ربنا يستر ، وماتطلعش فى دماغه ، ويحطمها ، ويبقى كده ، راح دخل السياحة ، ومعاه الحضارة ، فى شربة ميه.... عادت المذيعة ، وإختارت مواطنا آخر.. أجاب على سؤالها قائلا : بلد العجايب ، هى البلد اللى سياستها أصبحت الإختلاف ، وناسها سايبين شغلهم وعاملين خمسميت إئتلاف.. وضاع فيها الأمن والأمان ، لما الواحد بقى ، حتى من الخروج بيخاف ...إن كان علينا أدينا عايشين تحت حد الكفاف... لكن الخوف على أطفالنا الضعاف.. اللى محاصرهم الفقر، والخوف ، والجهل ، والمرض ، ده غير تهديدهم كل شوية بقفل منابع النيل ، والجفاف ...وجاءت إجابة مواطنة أخرى: بلد العجايب ، هى البلد اللى المرض بيفترس فقيرها من سكات ...والغنى فيها بيشترى أعضاء الفقير ، ويتعالج فى أكبر مستشفيات..، ولو مسؤل كبير أو فنان ..تسفره أوروبا على حسابها يتعالج أو الولايات ..وجنودها بيتقتلوا على الحدود ، أو محشورين فى لورى ترحيلات ، وتلاميذها الغلابة بيموتوا مفرومين تحت العجلات ، وديتهم فى الآخر إستقالة وزير، والوعد بكام رزمة من الجنيهات ..وأهو تعويض يسكت أبو اللى مات.... تدخل مواطن آخر: عرفتها ..هى البلد اللى كل العرب بيتكلموا بلهجتها ..وغنوا لها وإشتهروا بغنوتها...مهى طول عمرها فاتحه بابها ليهم حتى فى وقت شدتها..أصلها الأخت الكبيرة اللى طول عمرهم بيحترموا كلمتها...ورغم كل ده عملوا فضائيات بإسمها عشان يتاجروا بمحنتها .. وهى ولا بيهمها.. بكرة ترجع لها وحدتها..أصلها حتفضل أم الدنيا ، ومش ممكن يعرفوا يخدوا مكانتها ، ولا حتى يقدروا فى يوم يقوموا بمهمتها... تدخلت المذيعة قائلة: للأسف إنتهى وقت برنامجنا ..أكيد كلكم دلوقت عرفتوا ، وفهمتوا .. مين هى بلد العجايب ؟!!!
بقلم/ سحر فوزى/ كاتبة وقاصة مصرية /26/12/2012
طرحت المذيعة سؤالا على عدد من الجماهير فى الشارع.. قائلة : من منكم يعرف.. بلد العجايب؟..وبدون تفكير هلل الجميع ورفعوا أيديهم وتسابقوا وتهافتوا على الإجابة .. بدأت المذيعة تختار وتستمع لإجابات الجماهير ..أجاب أحدهم: بلد العجايب ..هى البلد اللى ثرواتها الطبيعية ، وخيرها كتير...بس من زمان بيسرقه الصغير قبل الكبير ، وأهى دلوقت دايرة تستلف عشان رصيدها النقدى ، والإحتياطى على وشك التصفير ..وأجاب آخر: هى البلد اللى بتطل على بحرين ، ونيل ، وأرضها خصبة ، صالحة لزراعة كافة المحاصيل ...ورغم كل ده.. بتستورد القمح المسرطن، والبن من البرازيل...تدخلت أخرى: لأ طبعا هى البلد اللى بتبنى أبراج سكنية ، فوق أراضيها الزراعية ، وبتروح تصرف الملايين عشان تستصلح الصحراوية ، أصل مسؤليها مش فاهمين ولاعارفين ، أهمية دية ، ولا دية ...إختطف الميكروفون آخر: أنا عارفها ..هى طبعا البلد اللى فيها ثروة بشرية ، وعقول دهبية، ومساحات تنفع مصانع، إتباعت برخص التراب لشلة الحرامية، وسد عالى يولد كهربا ، تفتح ألف قرية صناعية... وبعد كل ده الصين بتبيع لها ..من الإبرة ، لغاية الهياكل العظمية.. فكرت أخرى قليلا ، وقالت: عرفتها ...هى اللى شعبها بيطبل عشان جون فى الدورة الإفريقية، أصله طيب ونفسه حاجة تفرحه ، مهو طول عمره صامد ، وصابر و حمال الأسية..وهو اللى بيشترك فى المسابقات الوهمية ، وبيشترى من التليفزيون سلع فاسدة وأدوية ...وبيصرف شقاه فى القعدة على القهاوى للصبح وشرب الحاجات اللى مش هى ، وتلاقيه بيضحك من غير سبب فى برامج التريقة السخيفة، اللى بيسموها كوميدية ....وبيسقف ، ويصفر، فى برامج المسابقات الغنائية ، وتلاقيه ضيف فى البرامج الثقافية، وبيفتح صناديق فى البرامج الترفيهية .. وبيحدف طوب ويحرق بلده ، وهو مش فاهم قيمة الحاجات اللى بيحرقها دية، وبيصوت فى الاستفتاءات والإنتخابات لما صوته راح ، والنتيجة هى هى .. مع إن جدوده هم اللى بنوا الأهرامات ، وأبو الهول ،والآثار الفرعونية ..ربنا يستر ، وماتطلعش فى دماغه ، ويحطمها ، ويبقى كده ، راح دخل السياحة ، ومعاه الحضارة ، فى شربة ميه.... عادت المذيعة ، وإختارت مواطنا آخر.. أجاب على سؤالها قائلا : بلد العجايب ، هى البلد اللى سياستها أصبحت الإختلاف ، وناسها سايبين شغلهم وعاملين خمسميت إئتلاف.. وضاع فيها الأمن والأمان ، لما الواحد بقى ، حتى من الخروج بيخاف ...إن كان علينا أدينا عايشين تحت حد الكفاف... لكن الخوف على أطفالنا الضعاف.. اللى محاصرهم الفقر، والخوف ، والجهل ، والمرض ، ده غير تهديدهم كل شوية بقفل منابع النيل ، والجفاف ...وجاءت إجابة مواطنة أخرى: بلد العجايب ، هى البلد اللى المرض بيفترس فقيرها من سكات ...والغنى فيها بيشترى أعضاء الفقير ، ويتعالج فى أكبر مستشفيات..، ولو مسؤل كبير أو فنان ..تسفره أوروبا على حسابها يتعالج أو الولايات ..وجنودها بيتقتلوا على الحدود ، أو محشورين فى لورى ترحيلات ، وتلاميذها الغلابة بيموتوا مفرومين تحت العجلات ، وديتهم فى الآخر إستقالة وزير، والوعد بكام رزمة من الجنيهات ..وأهو تعويض يسكت أبو اللى مات.... تدخل مواطن آخر: عرفتها ..هى البلد اللى كل العرب بيتكلموا بلهجتها ..وغنوا لها وإشتهروا بغنوتها...مهى طول عمرها فاتحه بابها ليهم حتى فى وقت شدتها..أصلها الأخت الكبيرة اللى طول عمرهم بيحترموا كلمتها...ورغم كل ده عملوا فضائيات بإسمها عشان يتاجروا بمحنتها .. وهى ولا بيهمها.. بكرة ترجع لها وحدتها..أصلها حتفضل أم الدنيا ، ومش ممكن يعرفوا يخدوا مكانتها ، ولا حتى يقدروا فى يوم يقوموا بمهمتها... تدخلت المذيعة قائلة: للأسف إنتهى وقت برنامجنا ..أكيد كلكم دلوقت عرفتوا ، وفهمتوا .. مين هى بلد العجايب ؟!!!
بقلم/ سحر فوزى/ كاتبة وقاصة مصرية /26/12/2012